ریاض کاشف
اصل ناں ریاض احمد
تخلص کاشفؔ
جٖمنْ 1967ء
تعلیم بی اے
پیشہ ٹیچر
فون نمبر 0305 7029397
جاہ پتہ وستی فیض آباد ، ڈاکخانہ جھورنْ تحصیل خان پور ، ضلع رحیم یار خان
غزل
[لکھو | ماخذ وچ تبدیلی کرو]ہجر دی کالی رات اچ تارے گِنْ گِٖنْ وقت نبھیندے رہ گٖیوں
جیڑھا ساکوں وسر گٖیا ہے ہوں کوں یاد کریندے رہ گٖیوں
تیڈٖے غم نئیں امدا نیڑے ، تیڈٖا عیش ارام دا جیونْ
اساں اجٖڑے لوک اساں تاں رو رو رات کٹیندے رہ گٖیوں
بادل حسن دے گجدے رہ گٖئے ، کھمنْ پیار دی کھمدی رہ گٖئی
ساڈٖے سینے بھاہیں رہ گٖیاں ، بھاہیں کوں وسمیندے رہ گٖیوں
وعدے کر تے توں تاں بھل گٖئیں سال گزر گٖن تانگھ تنگھیندیں
تیڈٖے بٖاجھوں ماتم کر تے اساں عید منیندے رہ گٖیوں
دل دا گلشن اجٖڑیے ایجھاں آس دا بٖوٹا ول نئیں پھپھڑیا
توڑے اساں لحظے لحظے ہنج دا پانْی لیندے رہ گٖیوں
پیار جڈٖاں دا ملئے تیڈٖا کاشفؔ اے احساس تھیا ہے
دور تیڈٖے توں رہ تے اساں زندگی مفت گٖلیندے رہ گٖیوں