ریاض بیدار
ریاض حسین دا قلمی دا ناں بیدار تے ابے سئیں دا ناں دریا خان ہے۔ سانگھی برادری نال تعلق رکھدن۔ 1974ء کوں پیدا تھئے پرائمری تئیں تعلیم حاصل کیتی تے زمینداری اچ مصروف تھی ڳے۔ سرائیکی دے مہاندرے شاعر سئیں رب نواز مخمور ہوراں دی شاگردی حاصل کیتی تے 1990ء کوں شاعری دا آغاز کیتا۔ روجھان ضلع راجن پور اچ رہائش پذیر ہن۔ٻہوںچنگی شاعری کریندن تے چنڳے انسان ہن۔ سرائیکی وسیب نال ٻہوں پیار کریندن۔
اصل ناں ریاض احمد
قلمی ناں ریاض بیدارؔ
جمن 1977ء
تعلیم پرائمری
پیشہ زراعت
فون نمبر 03346437373
جاہ پتہ ریاض بیدار ہوٹل نذد اقراء پبلک سکول عمر کو ٹ تحصیل روجھان ضلع راجن پور
غزل
[لکھو | ماخذ وچ تبدیلی کرو]نیناں دے وچ نین ملا تے چس آگئی ہے
جان کہیں دے نانویں لاتے چس آگئی ہے
ہیریں نال جو تلدا ریہاں ، بے مُل ریہاں
تیڈے نانویں مفت وکاتے چس آگئی ہے
میڈا وی ہک چن ہے اوندی چاندنی ہاں میں
سینگی کوں اے گالھ ڈسا تے چس آگئی ہے
کئی سالیں توں دل دی خالی الماری وچ
اج تیڈی تصویر سجاتے چس آگئی ہے
ہُن بیدارؔ کہیں بئے در تے ول نہ ویساں
ہُن تاں بس ہیں در تے آتے چس آگئی ہے