ریاضؔ حسین شیخانہ
اصل ناں ملک ریاض حسین
تخلص ریاض ؔ
جمن 1947ء
تعلیم میٹرک
پیشہ زمیندارہ
فون نمبر 03037251618
جاہ پتہ موضع نواب پور ملتان
ملک ریاض حسین شیخانہ ملتان دے نواحی قصبے نواب پور دے بزرگ شاعر ہن، معروف شاعر سئیں اللہ بخش یادؔ ہوراں دی راہنمائی وچ شاعری شروع کیتی ۔حمد، نعت ،غزل، گیت اتے ڈوہڑہ لکھدن آپ دا ہک شعری مجموعہ بعنوان ’’پھلّاں دے ہار‘‘ وی منظرِ عام تے آ چکے نمونہ کلام ملاحظہ تھیوے۔
(1) غزل
[لکھو | ماخذ وچ تبدیلی کرو]نئیں ملدی اج کوں کل سجناں
نئیں آندا ویلا ول سجناں
نت بخت سویل نی رہ ویندی
ڈینہ اوڑک ویندن ڈھل سجناں
کہیں غیر دے در تے جھکناں کیا
در اپنے سئیں دا مل سجناں
اوں بے پرواہ دی یاد دیوچ
دل پھڑکدا ہے پل پل سجناں
رب تیکوں بھاگ جو لا چھوڑیئے
ہے ہر کئی تیڈے ول سجناں
نئیں ریاضؔ تے تیڈی تک پوندی
ہے اج تیڈی بھل بھل سجناں
(2)غزل
[لکھو | ماخذ وچ تبدیلی کرو]تیڈیاں تانگھاں مار مکایا
تیکوں سجناں ترس نہ آیا
اساں کلہے بیٹ اچ رُل گئے
تئیںپار کوں ونج وسایا
تیڈیاں مونجھاں ڈینہاں راتیں
ساڈے اندر بھانبھڑ تایا
توں ساکوں بھُل بیٹھا ہیں
اساں تیڈا وِر د پکایا
کئی قاصد، خط میں گھلئے
تیڈ ا کئی ولدا نہ آیا
منڈھوں ان بھاندے جو ہاسے
ہک پل نہ کول بلہایا
ساڈیاں روز ریاضؔ دعائیں
شالا ہووی بخت سوایا