ریاست دی انتظامی تقسیم
سال 1932ء ءِ چ ریاست دی انتظامی تقسیم ایں طرح کیتی ڳئی کہ ݙو ضلع بݨائے ڳے ۔بہاول پور تے رحیم یار خان اَتے ہر ݙو اضلاع دے دفتر بہاول پور بݨائے ڳئے ۔اَتے سال 1945ء ءِ چ ضلع رحیم یار خان دے دفاتر رحیم یار خان منتقل کیتے ڳئے ۔ ایں ویلھ رحیم یار خان پنج تحصیلاں رحیم یار خان ، صادق آباد ، خان پور ، آلہ آباد تے احمد پور شر قیہ تے مشتمل ہا ۔تے باقی علاقہ بہاول پور ریاسے ءِ چ شامل ہا ۔ سال 1953ء ءِ چ ریاست دا تریجھا ضلع بہاول نگر بݨایا ڳیا تاں احمد پور شرقیہ تحصیل کوں ضلع بہاول پور دا حصہ بݨا ݙتا ڳیا ۔لیاقت پور (جیڑی ہُݨ تحصیل اے) دا ہیڈ کوارٹر الہ آباد ءِ چ پنج میل دے فاصلے تے غرب سائیڈ ہا ۔ سال 1952ء ءِ چ ٹحصیل دا صدر مقام نوابزادہ لیاقت علی خان دے ناں توں لیاقت پور رکھیا ڳیا پہلے ایندا ناں چوہدری ہا ۔ اِتھاں سر کاری دفتر تعمیر کیتے ڳئے غلہ منڈی بݨائی ڳئی۔تحصیل ہیڈ کوارٹر دی ایں جاہ تے تبدیلی دی وجہ ایں جاہ تے ریلوے لائن ہووݨ دا ہک اہم عنصر نظر آندے ۔ اکتوبر 1961ء ءِ چ وحدت مغر بی پاکستان دے پنج چھ سال بعد ماچکہ قانونگوئی دا علاقہ ضلع رحیم یار خان دی تحصیل صادق آباد توں ڳڈھ تے ضلع سکھر ءِ چ مِلا ݙتا ڳیا ۔اے قانونگوئی اصل ءِ چ ایں اے جو ایندی حدود تحصیل صادق آباد دے درمیان صوبہ سندھ دا علاقہ پمدے ۔وحدت مغر بی پاکستان دے ختم تھیوݨ دے بعد سال 1970 ء ءِ چ اے علاقہ جیڑا 63661ایکڑ رقبے تے ہے واپس ضلع رحیم یار خان دی صادق آباد تحصیل ءِ چ مِلا ݙتا ڳیا ۔
حوالہ
[لکھو | ماخذ وچ تبدیلی کرو]کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء