رکن یمانی

رکن یمانی خانہ کعبہ دے پچھادھے لمے کونے کوں آکھیا ویندے۔ اے بیت اللہ دا او کونا ہے جیڑھا ملک یمن دی طرف واقع ہے، ایں واسطے اینکوں رکن یمانی آکھیا ویندے۔

بیت اللہ دے چاریں کونیاں تے چار ارکان ہِن:

رکن حجر اسود

رکن یمانی

رکن شامی

رکن عراقی

رکن یمانی دے فضائل

حضرت محمد صلی اللہ علیہ و آلہ وسلم نے فرمایا: "رکن یمانی تیں حجر اسود ݙوہیں جنت دے دروازے ہِن۔"

حضرت عبد اللہ بن عمرؓ فرمیندن کہ رکن یمانی تے ݙو فرشتے ہِن جیڑھے اُتھوں لنگھݨ آلے دی دعا تے آمین آکھدے ہِن تیں حجر اسود تے تاں بے شمار فرشتے ہوندن۔

روایت وچ آئے کہ حضرت آدم علیہ السلام نے مقام ابراہیم دے پچھوں تیں ملا علی قاری دی روایت وچ رکن یمانی تے اے دعا فرمائی:

"اللّٰهُمَّ إِنَّكَ تَعْلَمُ سِرِّي وَعَلَانِيَتِي فَاقْبَلْ مَعْذِرَتِي، وَتَعْلَمُ حَاجَتِي فَأَعْطِنِي سُؤْلِي، وَتَعْلَمُ مَا فِي نَفْسِي فَاغْفِرْ 1 لِي ذُنُوبِي، اللّٰهُمَّ إِنِّي أَسْأَلُكَ إِيمَانًا يُبَاشِرُ قَلْبِي وَيَقِينًا صَادِقًا حَتَّىٰ أَعْلَمَ أَنَّهُ لَا يُصِيبُنِي إِلَّا مَا كَتَبْتَ لِي، وَرِضًا بِمَا قَسَمْتَ لِي يَا أَرْحَمَ الرَّاحِمِينَ"  

ترجمہ: "اے اللہ! بیشک توں میݙے لُکے ہوئے تیں ظاہر کوں ڄاݨݨ آلا ہیں، میݙی معافی قبول فرما گھن تیں توں میݙی لوڑھ کوں ڄاݨدا ہیں، میکوں میݙی لوڑھ دی چیز عطا فرما ݙے تیں توں ڄاݨدا ہیں جو کجھ میݙے نفس وچ ہے، میݙے گناہ بخش ݙے، اے اللہ! میں تیکوں ایہو جیہا ایمان منگداں جیڑھا میݙے دل وچ رچ ونڄے تیں سچا یقین منگداں اتھوں تک کہ میں چنگی طرحاں ڄاݨ ونڄاں کہ میکوں اوہی ملسی جو توں میݙی تقدیر وچ لکھ ݙتا ہے تیں اوں (حیاتی دے وچ) تے راضی رہݨ دی توفیق منگداں جیڑھی توں میݙے کیتے ونڈ ݙتی ہے، اے سب توں زیادہ رحم کرݨ والیا۔"

استلام

رکن یمانی تے استلام کرݨ مستحب ہے۔ اتھاں صرف سڄا ہتھ یا ݙوہیں ہتھ رکن یمانی تے لائے ویندن۔