رکن شامی

رکن شامی بیت اللہ دا پچادھی اٻھا کونا ہے۔ جݙاں اتھاں حجر اسود دی طرف مُنہہ کر کے کھڑو تاں بیت المقدس سامݨے ہوسی۔ رکن عراقی دے بالکل سامݨے پچادھی دیوار وچ جیڑھا کونا ہے اونکوں رکن شامی آکھیا ویندے۔ اے کونا شام دی سمت ہے۔ پراݨے ویلیاں وچ حج دے رستیاں دے ناں اُن مُلکاں دے ناں تے پئے ویندے ہَن جتھوں حجاج آندے ہوندے ہَن۔ اِیں زمانے توں ہی اے کونے مُختلف مُلکاں دے ناں نال مشہور تھی ڳئے۔

بیت اللہ دے چار ارکان اے ہِن:

رکن حجر اسود: اٻھا کونا، جتھاں حجر اسود نصب ہے۔

رکن یمانی: لما کونا، یمن دی طرف۔

رکن شامی: اٻھا پچادھ کونا، شام دی طرف۔

رکن عراقی: اٻھا پوادھ کونا، عراق دی طرف۔

خلاصہ :

رکن شامی بیت اللہ دا ہک اہم حصہ ہے جیڑھا اٻھا پچھادھ دی طرف واقع ہے۔ ایں دی تاریخی اہمیت وی ہے تیں اے بیت اللہ دے چار بنیادی کونیاں وچوں ہک ہے۔