رچا پالود

رچا پالود
معلومات شخصیت
ڄم	(1980-08-30) اگست 30, 1980 بنگلور، بھارت
شہریت	بھارت
عملی زندگی
پیشہ	ماڈل، اداکارہ، صوتی اداکارہ
پیشہ ورانہ زبان	ہندی ،  ملیالم
شعبۂ عمل	اداکاری ،  ڈبنگ
اعزازات
فلم فیئر اعزاز جنوبی
	IMDB پر صفحہ

رچا پلّود ہک بھارتی فلمی اداکارہ تے ماڈل ہن جنہاں نے ہندی، تیلگو، تمل، کنڑ تے ملیالم زبان دیاں فلماں وچ کم کیتا ہے۔ لمحے (1991) وچ بطور ٻال اداکار دی حیثیت نال کم کرݨ دے بعد، اوہ تیلگو وچ فلم نووی کاولی (2000) توں فلمی زندگی دا آغاز کیتا۔ ایں فلم وچ انہاں دی اداکاری کیتے فلم فیئر اعزاز برائے بہترین تیلگو اداکارہ حاصل کیتا۔ انہاں نے کئی ہندی فلماں وچ کم کیتا ہے جنہاں وچ انہاں دی سب توں زیادہ مشہور فلم نیل' این 'نکی (2005) ہے جیہڑی یش راج فلمز نے پروڈیوس کیتی۔ انہاں نے تمل فلماں شاہجہان (2001) تے انککم اینکم (2006) وچ انہاں دے کردار کیتے ڄاݨے ویندن جݙاں اوہ کنڑ تے ملیالم زبان دیاں فلماں وچ وی نمایاں تھی چکیہن۔

پیشہ وارانہ زندگی

رچا پالود نے فلم لمحے (1991) وچ بطور ٻال فنکار کم کیتا ہئی۔ ایں فلم وچ انہاں دا کردار صرف ہک منٹ دا ہئی تے ولا ایندے بعد انہاں نے فلم پردیس (1997) وچ کم کیتا۔ انہاں نے 16 سال دی عمر وچ ماڈلنگ دا آغاز کیتا، پنج سو توں زیادہ اشتہارات وچ کم کیتا ہے تے فالگونی پاٹھک دی میوزک ویڈیو "یاد پییا کی آنے لگی" تے "پیا سے مل کر آئے نین" وچ نظر آئین۔

رچا پالود نے تیلگو وچ فلم نووی کاولی (2000) توں فلمی زندگی دا آغاز کیتا۔ فلم وچ اداکاری کیتے انہاں کوں فلم فیئر اعزاز برائے بہترین تیلگو اداکارہ نال نوازیا ڳیا۔

2002 وچ روی شنکر دی ہدایت کاری وچ بݨݨ آلی فلم کچھ تم کہو کچھ ہم کہیں وچ انہاں نے منگلا دا کردار ادا کیتا ہئی۔ ایں فلم وچ انہاں دے نال اداکار فردین خان نے کم کیتا ہئی۔ ایہ فلم کامیابی حاصل نہ کر سڳی۔ کامیابی نہ ملݨ تے رچا نے آکھیا جو فلم دی تشہیر ٹھیک طریقے نال نہ کیتی ڳئی ہئی۔ بعد وچ رچا نے کنڑ فلم چیپل تے جوٹاٹا وچ اداکاری کیتی تے ایہ وی ہک ناکامیاب فلم ہئی۔