رُڳ

جمالی نگر تے فیاض کاٹن آلی جاہ رُڳ ہوندی ہئی تے اینکوں  رُڳ سݙیندے ہاسے ۔ ایندے تلے ترکڑی دا تل ہا ، اِتھاں  اسیݙے وݙیں  دیاں  زمیناں  ہن ۔ مین٘ہ وسدا ہا تاں  رُڳ تے کھمبیاں  پٹݨ ویندے ہاسے ۔ ساری رُڳ تے ریت ہئی ۔ رُڳ حاجی تاج محمد دی ہئی۔ آکھدا ہا ہک دی جاہ تے چار ایکڑ ݙیوݨ کیتے تیار آں  ، کوئی راضی نہ تھیندا ہا ، اَڄ اوں  جاہ کوں  رنگ لڳ ڳن ۔ چار دے بدلے ہک ایکڑ اِتھاں  نی مِلدی۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان