رَلے پندھ کریسوں

اِنتساب

مَیں پہلی کتاب ’’ اَدھوری محبتیں دی مونجھ‘‘لکھی تاں جیکوں وی ݙتی گھر کنوں لا ٻاہر توݨی اُنھاں ایہو سوال پُچھیا ’’کتاب اِچ میݙا ناں لکھیئے‘‘ کِتھاں اَتے کہڑیجا تے ہے؟۔

ایں ڳالھ میکوں شرمندہ کر ݙتا ، پر ایہ کوئی فرمائشی ناواں دی کتاب تاں نہ ہئی ، سِدھی سادھی یادیں اَتے اصلاحی ، معاشرتی کہاݨیاں دی کتاب ہے، یادیں دے حساب نال جیندا ناں آ ڳئے اوندی قسمت نصیب ۔ایہ کتاب میں اپݨے ساریں رشتے داریں دے ناں کریندی ہاں ۔ جنہاں کوں میݙے تئیں گِلے شکوے ہِن جہڑے میں کنوں راضی ہِن  جنہاں کوں میݙے نال اُنس ہے یا جنہاں کوں مَیں ہضم نی تھیندی ۔ اُنھاں دی عظمت دے ناں ایہ حقیر جیہاں نذرانہ پیش ہے۔

زاہدہ اجمل ہاشمی

حوالہ

کتاب: رَلے پندھ کریسوں ، مصنّف: زاہدہ اجمل ہاشمی، چھاپہ خانہ : جھوک پرنٹرز ملتان