روہی تے فریدؒ

خواجہ فرید وانگے روہی میݙے اُستاد دا وی من بھاوݨاں موضوع ہا ، روہی دیاں ساری ساری رات ڳالھیں کریندے ہن تے اَکھیندے ہن جو روہی دریا تے ہاکڑہ تے دریائے سرسوتی ہے ۔ اے روہی موہنجودڑو تے ہڑپہ دے وچاگ آباد علاقہ ہے ۔ ڈاکٹر رفیق مغل صاحب دی تحقیق آئی اے جو ایں علاقے وچ 1300شہر تے وستیاں دریافت تھِن ۔ اِتھوں پتہ لڳدے جو اساݙی روہی کتنی عظیم تے قدیم ہے پر اساݙے آثار ختم کیتے ڳن ، اُنہاں کوں نی بچایا ڳیا کیوں جو اے سرائیکی علاقہ ہے ، حملہ آور اساݙے علاقے نال بغض رکھدن۔

حوالہ

کتاب "قیس فریدی ۔ فن شخصیت اَتے شاعری "  ترتیب پیشکش  : مہر حامد علی شاکر سیال ، ناشر جھوک پبلشرز ، ملتان