روڈہ

ضلع و تحصیل خوشاب دا چھوٹا جیہاں قصبہ روڈہ سارے علاقے اچ جوئیہ قوم دا گڑھ ہا۔ اتھاں بالکل رڑا میدان ہا کوئی وَݨ نہ ہا ۔ جوئیہ قوم دے چار بھرا مِٹھہ ٹوانہ توں اُٹھی تے شیر گڑھ ، عینوں، حویلی چراغ تے روڈہ آ وسیے۔ ہُݨ اِتھوں دے جوئیے ،لطیفی ، کلاسی، جھنڈے خیل، یارے خیل تے محکانوالے اچ ونڈیج ڳن۔ قصبے اِچ دھرم سالہ، خالصہ گردوارے تے جامع مسیت کلاسیاں، لطیفیاں تے کھرلاں آلی مسیت مشہور ہے۔اتھاں ڈاک بنگلہ، رورل ہیلتھ سنٹر، ڈاکخانہ تے ست منزلہ محکم سنگھ دی ماڑی مشہور جہیں ہن۔اتھاں دے محلیاں اِچ محلہ لطیفیاں آلا ، محلہ کلاسیاں آلا، محلہ جھنڈ ے خیل، محلہ پارے خیل، محلہ محکانوالہ ، محلہ محکم سنگھ ، محلہ کربچن سنگھ ، تے محلہ کرشن رام شامل ہن۔