رومیلا تھاپر

رومیلا تھاپر
(ہندی میں: रोमिला थापर)
معلومات شخصیت
پیدائش	30 نومبر 1931ء (94 سال)  لکھنؤ
شہریت	بھارت (15 اگست 1947–) برطانوی ہند (–14 اگست 1947) ڈومنین بھارت (15 اگست 1947–)
رکنیت	امریکی اکادمی برائے سائنس و فنون ،  برٹش اکیڈمی ،  امریکن فلوسوفیکل سوسائٹی
عملی زندگی
مادر علمی	پنجاب یونیورسٹی اسکول آف اورینٹل اینڈ افریقن اسٹڈیز، یونیورسٹی آف لندن
پیشہ	تاریخ دان ،  استاد جامعہ ،  مصنفہ ،  پروفیسر
پیشہ ورانہ زبان	انگریزی
شعبۂ عمل	تاریخ
نوکریاں	جواہر لعل نہرو یونیورسٹی
اعزازات
کولگے انعام (2008) ایڈن برگ رائل سوسائٹی فیلو شپ (2006) فوکوکا ایشیائی ثقافت انعام   (1997) فیلو آف امریکن اکیڈمی آف آرٹ اینڈ سائنسز جواہر لعل نہرو فیلوشپ

رومیلا تھاپر (انگریزی: Romila Thapar; ہندی: रोमिला थापर) ہِک بھارتی مؤرخہ ہِن جنّھاں دا بنیادی موضوع قدیم ہندوستان ہِے۔ اوہ کئی کتاباں دی لکھاری ہِن۔ اوہ فی الحال جواہر لال نہرو یونیورسٹی دی متقاعد پروفیسر ہِن۔ انّھاں کوں ݙو مرتبہ پدم بھوشن دی پیش کش کِیتی ڳئی ہئی، لیکن انّھاں نے ݙوہاں مرتبہ انکار کر ݙِتّا۔

کَم

رومیلا تھاپر نے 1953ء وِچ پنجاب یونیورسٹی توں بی اے ادب وِچ کِیتا، اِیں دے بعد لندن چلیاں ڳئیاں، اُتھاں لندن یونیورسٹی دے اسکول آف اورینٹل اینڈ افریقن سٹڈیز، یونیورسٹی آف لندن وِچ ممتاز مؤرخ تے ماہر ہندویات اے آر باشم دے نال تاریخ تے کم کِیتا تے علم تاریخ وِچ ڈاکٹریٹ دی سند 1958ء وِچ حاصل کِیتی۔ رومیلا تھاپر 1961ء تے 1962ء وِچ جامعہ کروکشیتر وِچ ریڈر دے عہدے تے کم کریندیاں رہیاں اِیں دے بعد ایں ہی عہدے تے جامعہ دہلی وِچ 1963ء توں 1970ء تائیں کم کِیتا۔ اِیں دے بعد جواہر لال نہرو یونیورسٹی، دہلی وِچ قدیم ہندوستان دی تاریخ دی پروفیسر مقرر تھئیاں، اوہ اِیں وقت وی امریطس پروفیسر (اعزازی حیثیت) ہِن۔

تاریخ نویسی تے نظر ثانی

تھاپر قدیم ہندوستان دی تاریخ تے سامراجی تشریحات دی شدید ناقد ہِن، انّھاں دا مانݨا ہِے جو انگریز سامراج دے آنݨ توں پہلے کوئی کائنی آکھدا ہئی جو اوہ ہندو کمیونٹی توں ہِے یا مسلمان کمیونٹی توں اِیندا تعلق ہِے، تب لوک اپݨی ذات، مذہب تے زبان توں تعارف کرویندا ہَن، برطانوی سامراج نے مذہب دی بنیاد تے تفریق کِیتی تے اِیکوں گہرا کِیتا تے سارے ہندوستان وِچ پھیلا ݙِتّا، اِیکوں تاریخ دا حصہ بݨا ݙِتّا۔ تھاپر سومنات تے محمود غزنوی دے حملے نال متعلق بہت ساریاں ڳالھوں کوں تے اِیں تے انیسویں صدی وِچ شروع تھیوݨ والے ہندو مسلم تنازع کوں وی انگریز دی چال تے فرقہ واریت پیدا کرݨ دی سازش قرار ݙیندی ہِن۔

تنازعات

تھاپر دی 2003ء وِچ کتب خانہ کانگریس دی کولگے چیئر وِچ تقرری تھئی تاں ہِک آن لائن استدعا جیڑھا دے ݙو ہزار لوکاں نے اپݨے دستخط کِیتے ہَن، اِیں وجہ توں روک ݙِتی ڳئی، اِیں استدعا (پٹیشن) دی بنیاد اِیہ ہئی جو رومیلا تھاپر مارکسی تے ہندو مخالف ہِن تے اِیہ بائیں بازو والیاں کِیتے امریکی پیسے دا ضیاع ہِے۔

ٻاہرلے جوڑ

• Audio of Romila Thapar's 2005 lecture, "Interpretations of Early Indian History" at the Walter Chapin Simpson Center for the Humanities
• "Delhi Historians Group's Publication "Communalization of Education: The History Textbooks Controversy"، A report in 2002, New Delhi: Jawaharlal Nehru University, India