روشن خیال پنجابیاں دا رویہ

میڈی پچھلی ہک پوسٹ دے نتیجہ ءچ روشن خیال پنجابی دوستاں دا مثبت ردِعمل سامنْے آئے جہیڑا سرائیکیاں توں ودھ پنجابی دوستاں وستے لمحہ فکریہ ہے۔ شہزاد عرفان

"شہزاد صاب ۔ اے گل عام پنجابی وی کر دے نے , نال پنجابی نوکر شایی کولو پوچھ دے نے ۔ سوہنی طنزیہ تحریر اے ۔ ساڈھے ذل ذے ٹوٹے ای کر چھڈۓ سو ۔ مظلوم پنجابی جو ہئویا ۔"

سئیں میڈا۔۔۔۔ میکوں خوشی تھئی ہے میڈی گالھ روشن خیال ترقی پسند پنجابی دوستاں تئیں پُجی ءے۔ تے انھاں محسوس کیتے جو جئے تئیں پاکستان دی سول تے فوجی اسٹیبلشمنٹ ءچ " پنجابی بحثیت ہک قوم" اپنْا عوام دوست کردار ادا نئیں کریندے، اپنْی قومی شناخت کوں ریاستی شناخت توں وکھ نئیں کریندے، اوں تئیں پاکستان وچ بئی سانجھی ثقافتی، سیاسی تحریکاں دا اعتماد حاصل نئیں کرسگدے ۔ اے باقی تمام تحریکاں لوکائی دی تحریکاں ہن عوام دی تحریکاں ہن۔ پنجابیاں کوں اپنْی بقاء وستے ریاست دی خدمت تے تمغے چھوڑ تے باقیاں نال سیاسی طور تے کھڑنا پوسی نتاں اے آپ تاں امریکیاں تے سعودیاں دی جنگاں لڑتے مُک ویسن پر پنجابیاں کوں نال گھن تے بُڈسن۔ انھاں اپنْے کالے کرتوتاں اچ بنجابی اشرافیہ کوں نال رلا تے عام مظلوم مڈل کلاس ورکنگ کلاس پنجابی قوم دا سر شرم کنیں نیواں کرڈتے۔ اج انھاں دی وجہ توں عام بنجابی عوام سندھ بلوچستان، پشتون خواہ تے سرائیکی وسیب ءچ عدم تحفظ داشکار ہن ۔ پاکستان دی موجودہ تمام پارلیمانی سیاسی پارٹیاں دراصل اسٹیبلشمنٹ دی فیکٹری دی تیار شدہ صوبائی قومیتی پارٹیاں ہن جنہاں کوں زکواۃ تے فترانہ طور اقتدار ءچ حصہ داری ملدی ءے۔ سندھی پیپلز پارٹی دی شکل ءچ تے بنجابی مسلم لیگ دی شکل ءچ اپنْی خیرات دی اُگاڑی کریندن۔ جیہڑی دراصل اپنْی قوم تے دھرتی ماء نال غداری ءِ۔ باقی چھوٹی وڈی لاٹ الیکشن شو دی بھرتی دا مال ہے--- شہزاد عرفان