روشن آرا بیگم

روشن آرا بیگم
معلومات شخصیت
پیدائش	19 جنوری 1917ء   کولکاتا
وفات	5 دسمبر 1982ء (65 سال)  لاہور
شہریت	بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950)
فنکارانہ حیاتی
آلہ موسیقی	صوت
پیشہ	گلو کارہ
اعزازات
تمغائے حسن کارکردگی
ویب سائٹ
	IMDB پر صفحات

روشن آرا بیگم (اردو: روشن آرا بیگم، کنوں) (19 جنوری 1913ء – 5 دسمبر 1982ء) ملکہ موسیقی دا خطاب گِھنّݨ آلی نامور پاکستانی کلاسیکی تے فلمی گائیک ہَئی۔ اُوہ کیرانہ ٹٻّر دے شہرہ آفاق ہندوستانی گائیک اُستاد عبد الکریم خان دی شاگرد ہَئی۔

حیاتی دا احوال

ملکہ موسیقی روشن آرا بیگم 19 جنوری 1913ء کوں کلکتہ، برطانوی ہند وِچ اُستاد عبد الحق خان دے گھر وِچ ڄَمّی ہَئی۔ انّھاں دا اصل ناں وحید النساء بیگم ہَئی۔ انّھاں نے موسیقی دی تعلیم آپݨے قریبی عزیز اُستاد عبد الکریم خان کنوں گِھدّی، جِنّھاں دی وجہ کنوں اُنّھاں تعلق موسیقی دے کیرانہ ٹٻّر نال بݨدا ہِے۔

روشن آرا بیگم تقسیم ہند کنوں پہلاں ای کیرانہ ٹٻر دی خیال گائیکی وِچ ہِک اُچیرا مقام گِھن چُکّی ہَئی۔ اُوں ویلے اُوہ ممبئی آلی روشن آراء بیگم اَکھوین٘دی ہَئی کیوں جو 1930ء دے عشرے دے اَخِیر وِچ اُوہ کلکتہ کنوں بمبئی منتقل تھی ڳئی ہَئی۔

اُوہ کُئی وی راڳ پیش کرݨ کنوں پہلاں جہڑیلے اُون٘دا الاپ کرین٘دی ہَئی تاں اُون٘دے وِچ ای راڳ دے مرزکی سُراں کوں کھول کے بیان کرین٘دی ہَئی اَتے الاپ نال ای راڳ دی پوری سُن٘ڄاݨ سامھݨے آ وین٘دی ہَئی۔

مشہور نغمے

• پیا جاؤ میں توسے نا ہی بولوں (ٹھمری)
• ڈولے رے من ہولے ہولے
• نظریا تم ہی سے لگی (دادرا)
• دیش کی پر فضاؤں میں کہیں (فلم جگنو)