روحی بانو

روحی بانو
معلومات شخصیت
ڄَمّݨ دی تریخ تے جاء	10 اگست 1951ء   کراچی
فوتڳی دی تریخ تے جاء	25 جنوری 2019ء (68 سال)  استنبول
فوتڳی دی وجہ	گردے فیل
شہریت	پاکستان
پِیؤ دا ناں	اللہ رکھا
بھیݨ / بِھرا	ذاکر حسین ،  توفیق قریشی ،  فضل قریشی
عملی حیاتی
پیشہ	اداکارہ
اعزازات
تمغائے حسن کارکردگی   (1981) پی ٹی وی اعزاز   لکس اسٹائل اعزاز نگار اعزاز
	IMDB پر صفحہ

روحی بانو (اردو: روحی بانو، کنوں) (10 اگست 1951ء – 25 جنوری 2019ء) پاکستان دی مہان٘دری اداکارہ ہَئی۔ اُوہ 1970ء اَتے 1980ء دے ݙہاکیاں وِچ پاکستانی ڈرامیاں دی مقبول ترین اداکارہ ہَئی۔ اُوہ کرن کہانی، زرد گلاب اَتے دروازہ وِچ آپݨے کرداراں دے حوالے نال سُن٘ڄاݨی وین٘دی ہِے۔

ذاتی حیاتی

روحی بانو 10 اگست 1951ء کوں کراچی وِچ ڄَمّی ہَئی۔ اُنّھاں دے پِیؤ طبلہ نواز اُستاد اللہ رکھا ہَن اَتے ہندوستانی موسیقار ذاکر حسین دی مَترائی بھیݨ ہَن۔ روحی بانو ݙُو واری شادی دے بندھن وِچ ٻدھیڄی۔

کَم کار آلی حیاتی

روحی نے گورنمنٹ کالج لاہور کنوں نفسیات وِچ ماسٹر ڈگری گِھنّݨ دے وِچالے ٹی وی اُتے کَم کرݨ دا اَغاز کِیتا۔

روحی 1970ء اَتے 1980ء دے ݙہاکیاں وِچ پاکستانی ڈرامیاں دی مقبول ترین اداکارہ ہَئی۔ اُوہ کرن کہانی، زرد گلاب اَتے دروازہ وِچ آپݨے کرداراں دے حوالے نال سُن٘ڄاݨی وین٘دی ہِے۔ انّھاں دے کُل ڈرامیاں دی تعداد 150 دے نیڑے ہے۔ 1981ء وِچ حکومتِ پاکستان دی طرفوں انّھاں کوں تمغائے حسن کارکردگی ݙِتّا ڳِیا۔ اِین٘دے کنوں اَن٘ج اُنّھاں کوں پی ٹی وی دی طرفوں نگار ایوارڈ، لکس لائف ٹائم اچیومنٹ ایوارڈز وی ݙِتّے ڳئے۔

ایوارڈز اَتے اعزاز

• 1981 وِچ صدر پاکستان دی طرفوں تمغائے حسن کارکردگی
• پی ٹی وی ایوارڈ
• نگار ایوارڈ
• گریجویٹ ایوارڈ
• لکس اسٹائل ایوارڈ (لائف ٹائم اچیومنٹ ایوارڈ)

فوتڳی

25 جنوری 2019ء کوں استنبول دے ہِک ہسپتال وِچ فوت تھئی۔