رواداری دی مثال

مولوی روایت پیش کریندے جو ایں امت دے تہتر فرقے بݨ سن ۔ تے میکوں نئیں پتہ ایں ویلھے تک کتنے فرقے بݨ چکن ۔ بھل میڈا فرقہ چوہترواں ھے۔ میڈے فرقے وچ انسان اتم ھے ۔ ایں فرقے وچ مسلک دی بنیاد تے کوئی طعن تشنیع کئے نی ۔ میڈے فرقے مطابق کوئی نماز پڑھدیں رفع یدین کریندے تاں نماز تھی ویندی ھے جیہہ کوئی ہتھ بدھ پڑھدے تاں وی ٹھیک ھے تے ہتھ کھول تے پڑھݨ وی درست ھے ۔ ہر طریقے نال نماز پڑھݨ والا جیہہ رکوع وچ سبحان ربیع العظیم پڑھدے تے سجدے وچ سبحان ربی الاعلی آہدے تاں وت کوئی جھیڑا نئیں ۔ مقصد سبھے دا اللہ پاک دی حمد و ثناء ھے ۔ کوئی ھے جیڑھا خدا دی وحدانیت دا اقرار کرے ۔ میڈے نال رل تے مہینے دا پہلا جمعہ بریلوی مسیت ڈوجھا جمعہ امام بارگاہ تریجھا جمعہ دیوبندی تے چوتھا جمعہ اہلحدیث مسیت جل تے پڑھے ۔ سلیم انسب

متاں دنیا توں نفرت دی چھاں ڈھل پووے

متاں دھرتی تے الفت دا سجھ چڑھ پووے