رقیہ ابوبکر

رقیہ ابوبکر
معلومات شخصیت
تاریخ پیدائش	7 جون 1917ء
تاریخ وفات	20ویں صدی
شہریت	افغانستان
عملی زندگی
مادر علمی	جامعہ کابل
پیشہ	سیاست دان

رقیہ ابوبکر (7 جون 1917ء–؟) ہِک افغان سیاست دان ہَن تے مُلک وِچ پارلیمنٹ کِیتے چُݨیاں ونڄݨ آلیاں پہلیاں افغان زنانیاں وِچوں ہَن۔ 1964ء وِچ ابوبکر کوں آئینی اسمبلی کِیتے چُݨیا ڳیا جیڑھی نے 1964ء دا آئین تیار کِیتا، جیندے وِچ زنانیاں کوں ووٹ ݙیوݨ دا حق ݙِتّا ڳیا۔ اِیں دے بعد اُوہ 1965ء دے انتخابات وِچ پارلیمنٹ کِیتے چُݨیاں ونڄݨ آلیاں چار زنانیاں وِچوں ہِک ہَن، جیڑھیاں کابل شہر دے پہلے ضلع دی نمائندگی کریندی ہَن۔ پر، اُنّھاں نے 1969ء دے انتخابات وِچ حصہ کائنی گِھدّا۔

رقیہ ابوبکر وزارت تعلیم وِچ وَلا آئیاں، 1972ء توں 1973ء تک خواندگی پروگرام دی قومی ڈائریکٹر دے طور تے خدمتاں انجام ݙِتیاں۔ اُوہ ریڈیو افغانستان تے پنج سال تک پریزینٹر وی رہیاں ہَن۔

سوانح

1917ء وِچ ڄَمَّݨ آلی رقیہ ابوبکر نے اگست 1933ء وِچ محمد یوسف نال شادی کِیتی، جیڑھے اُنّھاں دے پہلے ڄَواݨ ہَن۔ ݙو سال بعد اُنّھاں دا انتقال تِھی ڳیا۔ اُنّھاں نے جامعہ کابل دی فیکلٹی آف سوشیالوجی وِچ تعلیم حاصل کِیتی تے 1940ء وِچ استانی بݨ ڳئیاں۔ 1941ء توں 1949ء دے دوران اُوہ کابل وِچ زرغونہ گرلز اسکول دی ڈائریکٹر ہَن۔ 1945ء وِچ اُنّھاں نے محمد ابوبکر نال شادی کِیتی۔ اِیں جوڑے دے ݙو دِیہہ تے ہِک پُتر ہَن تے 1970ء وِچ طلاق تِھی ڳئی۔ زرغونہ گرلز اسکول چھوڑݨ دے بعد، اُنّھاں نے 1963ء وِچ وزارت تعلیم وِچ شامل تِھیوݨ توں پہلے 1962ء تک وویمن ویلفیئر سوسائٹی دی جنرل ڈائریکٹر دے طور تے کم کِیتا۔ اُوہ ہلال احمر سوسائٹی دی جنرل ڈائریکٹر دے طور تے وی کم کر چُکیاں ہَن۔

1964ء وِچ ابوبکر کوں آئینی اسمبلی کِیتے چُݨیا ڳیا جیڑھی نے 1964ء دا آئین تیار کِیتا، جیندے وِچ زنانیاں کوں ووٹ ݙیوݨ دا حق ݙِتّا ڳیا۔ اِیں دے بعد اُوہ 1965ء دے انتخابات وِچ پارلیمنٹ کِیتے چُݨیاں ونڄݨ آلیاں چار زنانیاں وِچوں ہِک ہَن، جیڑھیاں کابل شہر دے پہلے ضلع دی نمائندگی کریندی ہَن۔ پر، اُنّھاں نے 1969ء دے انتخابات وِچ حصہ کائنی گِھدّا۔

رقیہ ابوبکر وزارت تعلیم وِچ وَلا آئیاں، 1972ء توں 1973ء تک خواندگی پروگرام دی قومی ڈائریکٹر دے طور تے خدمتاں انجام ݙِتیاں۔ اُوہ ریڈیو افغانستان تے پنج سال تک پریزینٹر وی رہیاں ہَن۔