رفیق ہمراز

اصل ناں      محمد رفیق

تخلص         ہمرازؔ  

جمن           1960ء  

تعلیم          ایم اے

پیشہ           گورنمنٹ ملازم 

فون نمبر         03006763083

جاہ پتہ         وارڈ نمبر 4محلہ عید گاہ لیہ

رفیق ہمراز گہری سوچ تے بلند خیالات دا حامل فطری شاعر ہے ۔لفظیں کوں ہُنر مندی نال بنا سجا کے اپنی شاعری اچ استعمال کریندے۔ایہا ای وجہ ہے جو ہمراز دی شاعری خاص و عام وچ مقبولیت دا درجہ حاصل کر چکی ہے ۔آپ دا اندازِ بیان عام فہم تے فنّی اسلوب شاعرانہ ہوندے۔رفیق ہمراز غزل دا مزاج آشنا شاعر ہے تے خوبصورت غزل لکھدے۔

(1)غزل

کُئی نہ میڈے حال تے روکے مہر بانی کرے

ہنجھ دے نایاب موتیں دی نہ ارزانی کرے

خود ہوا ونج کھیڈ دی ہے اوندی سوہنی زلف نال

ول ایکوں قاصد بنا کے کون نادانی کرے

ذہن وچ میڈے اجاں او وقت وی محفوظ ہے

حُسن خود محکوم ہا تے عشق سلطانی کرے

ورقہ ورقہ تھی نہ ونجے میڈے چہرے دی کتاب

وقتِ اج کئی آکے ایندی ورق گردانی کرے

اوں تاں پھاسی ڈے ڈتی سُن کے اناالحق دی صدا

آپ پھاسی لگ ویسی جیکر نظر ثانی کرے

پہلے نہ اے چاندنی اتنی کڈی بے نور ہئی

اے سوال ہمراز ؔ میں توں گھر دی ویرانی کرے

(2)غزل

منزلیں دی گول وچ جیندے رہوں یا مر ونجوں

کھلدیں کھلدیں اپنی قسمت دے ولائی در ونجوں

ریت صحرا دی لَہا سکّاں انگارے وانگ تھی

حُسنِ یوسف آذرا کُئی اپنی تاری تر ونجوں

اکھ زمانے دی ہر اک شئے کوں کریندی چھِن پرون

گھر دے ویندیں ککھ نہ رہسی جتنی جھولیاں بھر ونجوں

پیار دی معراج ہے جے کہیں دی یاد اچ مر ونجاں

اے ضروری نئیں جو اوندے کوچے جھل پتھر ونجوں

____________________________

ادھ موئی حالت میڈی دا ول کوئی پچھّے نہ ہا

کاش کئی ہمرازؔ ڈہدا اوندی انگڑائی دا رنگ

٭٭٭