رفیق رجوانہ

ملک محمد رفیق رجوانہ (ڄمݨ دی تاریخ 20 فروری 1949) 10 مئی 2015 توں 18 اگست 2018 تائیں پن٘جاب دے ٻتریویں گورنر دی حیثیت نال کم کیتا۔ انہاں دا تعلق مسلم لیگ (ن) نال ہے۔ او ملتان دے وسنیک ہن۔ رجوانہ گورنمن٘ٹ ایمرسن کالج ملتان توں گریجوایٹ تھیے اتے فورمن کرسچین کالج یونیورسٹی لاہور توں معاشیات وچ ماسٹر ڈگری حاصل کیتی۔ رجوانہ سپریم کورٹ آف پاکستان دے سینئر وکیل ہن۔ 1996 وچ، او ہائی کورٹ بار ایسوسی ایشن ملتان دے صدر منتخب کیتے گئے۔ انہاں اہم مقدمیاں دی پیروی کیتی، جنہاں وچ میاں نواز شریف، میمو گیٹ سکین٘ڈل، الیکشن دے خرچے، السٹوم انرجی لمیٹڈ، ریلی انرجی لمیٹڈ اتے لیورپول کاٹن ایسوسی ایشن شامل ہن۔ انہاں 2012 وچ سینیٹر دی حیثیت نال وی کم کیتا۔ فروری 2014 وچ، انہاں کوں چیف الیکشن کمشنر پاکستان دی تقرری واسطے پارلیمانی کمیٹی دا چیئرمین مقرر کیتا ڳیا ہا۔ او سینیٹ دیاں کئی ساریاں کمیٹیاں دے رکن ریہے ہن۔ 10 مئی 2015 کوں او پن٘جاب دے گورنر بݨے۔ او 18 اگست 2018 تئیں ایں عہدے تے ریہے۔