رفعت ناہید سجاد

رفعت ناہید سجاد
ڄمّݨ دی تریخ تے جاء	(1954-11-10) نومبر 10, 1954 (عمر 70 برس) لاہور، پاکستان
کَم کار	ادب، تعلیم
کَم کار آلی ٻولی	اردو
شہریت	پاکستانی
تعلیم	ایم اے(ماس کمیونیکشن)
مادر علمی	پنجاب یونیورسٹی
اصناف	ناول نگاری، افسانہ نگاری، تدریس
مہان٘درا کَم	چراغ آخر شب

رفعت ناہید سجاد (اردو: رفعت ناہید سجاد، کنوں) پاکستانی اردو ٻولی دی افسانہ نگار، ناول نگار اَتے ماہر تعلیم ہِن۔

ابتدائی حیاتی

رفعت ناہید سجاد 10 نومبر 1954ء کوں لاہور وِچ ڄَمی ہَن۔ رفعت ناہید دا تعلق بہاولپور نال ہے۔ انّھاں نے ماس کمیونیکیشن وِچ لاہور کنوں ایم اے کِیتا۔

کَم کار آلی حیاتی

اعلیٰ تعلیم دے بعد رفعت شعبہ تعلیم نال جُڑ ڳئی اَتے اُوہ پیشے دے اعتبار نال اُستاد ہِن۔ اُوہ کالج پرنسپل دے عہدے کنوں ریٹائر تھئی۔

قلمی پورھئیے دا اَغاز

رفعت ناہید سجاد قیام پاکستان دے کُجھ ورھیں بعد اکّھیں کھولݨ آلی اُوں نسل دی نمائندہ ہِن، جئیں ایوب خان دی آمریت دے خلاف احتجاج کوں ہِک عوامی تحریک وِچ بدلدے ہوئے ݙِٹّھا۔ انّھاں نے آپݨے قلم دی تَکڑائی نال آپݨے غیر مساوی معاشرے دی بے ترتیب بد دیانتی دا حصّہ بݨݨ دی کݙان٘ہیں اجازت نِھیں ݙِتّی۔

افسانہ تے ناول نگاری

رفعت ناہید سجاد ہِک لَمّی مُد کنوں ناول اَتے افسانے لکھین٘دی پئی ہِن جہڑے انجو انج ڈائجسٹاں وِچ چَھپدے رہن٘دے ہِن۔ اِنّھاں دی کہاݨیاں دے بنیادی موضوع طبقاتی وِتھ، عدم مساوات اَتے ملکی حالات تے تاریخ ریہے ہِن۔

ناول

• اک موسم دل کی بستی کا
• چراغ آخر شب ، جمہوری پبلیکیشنز لاہور
• چاند کے تمنائی

افسانوی مجموعہ

1. ریت پر تیرتے جزیرے جمہوری پبلیکیشنز لاہور

ڈرامہ نگاری

رفعت ناہید سجاد نے 1970 دے ݙہاکے وِچ اُوں ویلے ٹی وی ڈراما لِکّھیا جہڑیلے پی ٹی وی ڈرامے کوں اردو ٻولی اَتے تہذیب دا معیار سمجھیا وین٘دا ہَئی۔

اعزازات

انّھاں کوں تعلیم دے شعبے وِچ خِذمتاں دے بدلے 2011ء وِچ حکومتِ پنجاب، پاکستان دی طرفوں بہترین پرنسپل دے ایوارڈ نال وی نوازیا ڳِیا۔