رفتار دا وقت تے اثر
آئن سٹائن دا نظریہ ساکوں اے ݙسیندے جو جتنا ساݙی رفتار تیز تھیندی ویسی وقت ساݙے واسطے باقی دنیا دے مقابلے اچ مَٹھا تھیندا ویسی۔ اے صرف خیال نئیں بلکہ ایندا تجربہ وی کیتا ڳیا ہاجیندے وچ ݙو ہکو جانہہ ایٹمی گھڑیاں استعمال کیتیاں ڳیاں۔ ہک گھڑی زمین تے لاتھی ہئی تے ݙوجھی گھڑی ہک تیز رفتار جیٹ جہاز اچ رکھی ڳئی۔ سائنسدانیں اے مشاہدہ کیتا جو جہاز اچ لاتھی ہوئی گھڑی ِمٹھی تھی ڳئی۔ وقت دا اے فرق ٻہون گھٹ ہا لیکن اگر جہاز کوں روشنی دی سپیڈ دے 90 فیصدتک چلایا ونڄے ہا تاں جہاز تے لاتھی ہوئی گھڑی دا وقت 2.6 گنا مٹھا تھی ونڄے ہا۔
حوالہ
[لکھو | ماخذ وچ تبدیلی کرو]کتاب: کائنات دا سفر ، مصنف : جعفر عباس بزدار ، ناشر: جھوک پبلشرز ملتان