رضوانہ تبسم درّانی
اصل ناں رضوانہ کوثر درّانی
تخلص تبسم ؔ
جٖمنْ 1965ء
جاہ پتہ جلیل آباد کالونی ،فلیٹ نمبر 3 خان فلیٹ ملتان
رضوانہ تبسمؔ درّانی ملتان دی نمائندہ شاعرہ ہن شاعری دے نال نال نثر وی لکھدین۔خاص طور تے افسانہ بٖہوں ای سوہنْاں لکھدین۔نمونہ کلام!
غزل
[لکھو | ماخذ وچ تبدیلی کرو]اے جیونْ دا قرضہ ادا کیویں تھیسی
میڈٖی معاف ڈٖیکھاں خطا کیویں تھیسی
میں سوچاں توں اوکوں جدا کر تاں چھوڑاں
مگر میڈٖے دل توں جدا کیویں تھیسی
جو دارو ہا میڈٖا اوہو درد بنْ گٖئے
میڈٖے درد دی ہُنْ دوا کیویں تھیسی
الا وی نہ بھاندا تھیا جیکوں میڈٖا
بھلا اوندا میڈٖا نبھا کیویں تھیسی
تبسمؔ جو منگتی ہے لجٖپال در دی
بٖیا کہیں دے در دی گدا کیویں تھیسی