رشمی بنسل

رشمی بنسل
معلومات شخصیت
پیدائش	سنہ 1985ء (عمر 39–40 سال)  ممبئی
رہائش	ممبئی
شہریت	بھارت
عملی زندگی
مادر علمی	صوفیہ کالج، ممبئی
پیشہ	اکیڈمک
پیشہ ورانہ زبان	انگریزی

رشمی بنسل ہک بھارتی غیر افسانوی مصنفہ، کاروبار دی آغازکنندہ تے جوان سال ماہر خصوصی ہِن۔ 2016ء تک اوہ کاروباراں دے آغاز کرݨ (entrepreneurship) تے ست کتاباں دی مصنفہ ہِن۔ انّھاں دی پہلی کتاب، اسٹے ہنگری اسٹے فولش (بھوکے رہ تے بیوقوف بݨیو) 25 ایم بی اے کاروبار شروع کرݨ والیاں دی ترقی دے راز کوں جانچدی ہِے تے اِیں دی 500,000 نقول بھارت وچ بِک چُکیاں ہِن، جو بھارت وچ شائع کِسے وی کتاب کِیتے ہک ریکارڈ ہِے۔

سوانح

بنسل نے ٹاٹا انسٹی ٹیوٹ آف فنڈمنٹل ریسرچ، جنوبی ممبئی وچ پرورش پائی جِتھاں انّھاں دے والد فلکیاتی طبیعیات دان (astrophysicist) ہَن۔ کولابا دے سینٹ جوزفز ہائی اسکول وچ تعلیم مکمل کر تے سوفیا کالج فار ویمین وچ شریک تِھی ڳئیاں۔ اوہ انڈین انسٹی ٹیوٹ آف مینیجمنٹ احمدآباد توں ایم بی اے وچ فارغ التحصیل تِھی ڳئیاں۔

آئی آئی ایم توں پڑھ تے نکلݨ دے فوری بعد اوہ ٹائمز آف انڈیا دی برانڈ مینیجر بݨیاں۔ دی اِنڈی پِنڈنٹ کِیتے نوجواناں دا صفحہ تیار کرݨ دے بعد اپݨے شوہر یتین بنسل دی مشارکت نال JAM (جسٹ انادر میگزین - نوجواناں کِیتے ہک رسالہ) دی بنیاد رکھی۔

آئی آئی ایم احمدآباد دے ہک پروفیسر راکیش بسنت نے سجھاوݨ ݙِتا جو انّھاں کوں اپݨے تعلیمی ادارے توں کاروبار دا آغاز کرݨ والے سابقہ طالب علماں تے ہک کتاب لکھݨی چاہیدی ہِے۔ اِیں ترغیب دے بعد اوہ 2008ء وچ Stay Hungry Stay Foolish (اسٹے ہنگری اسٹے فولش) لکھی۔ اِیہ کتاب اِیں قدر کامیاب رہی جو 100,000 نسخے شروع دے 10 مہینیاں وچ بِک ڳئے۔ جلدی ہی اِیہ ہندسہ 350,000 تک پُڄ ڳیا۔ انّھاں دی اڳلی کتاب Connect the Dots (کنیکٹ دی ڈاٹس) ایم بی اے دی سند دے بغیر کاروبار شروع کرݨ والیاں دی ترقی دا جائزہ گِھندی ہِے۔ اِیہ وی ہک کامیاب کتاب دے طور تے ابھری۔ انّھاں دی کتاب I Have a Dream (آئی ہیو اے ڈریم) 2011ء وچ چھپی۔ اِیہ سماجی کاروبار شروع کرݨ والیاں (social entrepreneurs) تے مرکوز ہِے۔ کتاب وچ دلچسپ انگریزی تے ہندی دی آمیرش موجود ہِے، جیڑھا عرف عام وچ ہنگلش آکھیا ویندا ہِے، تاکہ انّھاں دی شخصیات دی حقیقی تصویر منظر عام تے آ سڳے۔

نیویارک ٹائمز دے ہیتھر ٹیمنز کوں ݙتے ڳئے ہک انٹرویو وچ بنسل نے وضاحت کِیتی جو اوہ ہِنگلش دا استعمال کرݨ دا فیصلہ کِیتا کیونکہ اِیہ عوامی آواز دی سیدھی نمائندگی کریندی ہِے تے انّھاں کوں زیادہ عندالحقیقت بݨیندی ہِے۔ اِیں دے بعد اوہ مزید چار تیزی نال فروخت تِھیوݨ والیاں کتاباں لکھ چُکیاں ہِن: Poor Little Rich Slum, Follow Every Rainbow, Take Me Home تے Arise Awake۔ اِیہ تمام کتاباں کاروبار شروع کرݨ تے اِیں دوران کامیاب تِھیوݨ دے مشورے تے مبنی ہِن۔ اوہ اکثر اپݨے خیالات کوں انہاں لوکاں دی مثالاں نال تقویت پُڄیندیاں ہِن جیڑھے ناقابل یقین منازل پار کر چُکے ہِن۔

مطبوعات

• Bansal, Rashmi. Stay Hungry Stay Foolish. Westland. 2008. ISBN 978-9381626719.
• Bansal, Rashmi. Connect the Dots. Westland. 2010. ISBN 978-93-81626-70-2.
• Bansal, Rashmi, I Have a Dream. Westland. 2011. ISBN 978-93-80658-38-4.
• Bansal, Rashmi. Poor Little Rich Slum. Westland. 2012. ISBN 978-93-81626-18-4.
• Bansal, Rashmi. Follow Every Rainbow. Westland. 2013. ISBN 978-93-82618-42-3.
• Bansal, Rashmi. Take me Home. Westland. 2014. ISBN 978-93-83260-80-5.
• Bansal, Rashmi. Arise Awake. Westland. 2015. ISBN 978-93-84030-87-2.
• Bansal, Rashmi. God's Own Kitchen. Westland. 2017.