رسماں رِیتاں

روسو آکھیا ہا جو ’’انسان پیدا تاں آزاد تھیندے پرڄمدیں اِی او رشتیں ناطیں دی ہک ایہو جہی زنجیر وچ جکڑیا ویندے جیندے کنوں او چاہے وی تاں نی بھڄ سڳدا۔ ڳانڈھیںدی اے سوہݨی زنجیر مردے ویلھے تئیں اوندے نال رہندی اے ۔ ایں زنجیر کوں اساں رشتیں ناطیں ، رسماں ریتاں اَتے وسیب دا ناں ݙے سڳدوں ۔ ایہ ریتاں رسماںکہیں تحریری دستور دی شکل اِچ نی بلکہ سینہ بہ سینہ ٹُردین اَتے ویلھے دے نال نال اُنھاں اِچ وادھا گھاٹا تھیندا رہ ویندے ۔ مختلف علاقیاں اَتے مختلف وسیب اِچ اے رسماں اَتے ریتاں مختلف تھیندیاں ویسن ۔ کیونجو اتھاں دے ماحول اُتے آب و ہوا خاندان ، رہݨ سہݨ ، اَتے وسیب دا گھاٹا اثر ہوندے ۔ انسان دے ڄمݨ ، بچپن ، جوانی اَتے ٻڈھیپے اتے خاندان وسیب ،ماحول ، آسوں پاسوں اتے سنگت ساتھ دے کیا کیا اثرات ہوندن ۔ ڄاوݨ اَتے مرݨ توڑیں بندے شودے کوں کیا کیا پیش آندے آئو تھوڑا جائزہ چاوݨ دی کوشش کروں۔

حوالہ

کتاب: رَلے پندھ کریسوں ، مصنّف: زاہدہ اجمل ہاشمی، چھاپہ خانہ : جھوک پرنٹرز‘ ملتان