رسالہ عصائے کلیم

’’آمشام‘‘ تے ٻیا کلام چھپواوݨ دا مقصد اے ہے جو چیزاں ولا سامھے آ ونڄن ۔ کوٹ مٹھݨ ءِچ میݙے اُستاد دا ہک عقیدت مند محبت کرݨ آلا ڈاکٹر خورشید محمد ملک صاحب ہا ، اوندا ہک رسالہ ’’دڳا‘‘ المعروف عصائے کلیم شائع تھیندا ، اُردو سرائیکی ݙوہیں زباناں اوندے وچ اَمدیاںہَن اوں رسالے ہک ایڈیشن قیس فریدی نمبر شائع کیتا ، اَڄ او نمبر اساکوں کم ݙے ڳے ۔ ڈھیر ساریاں چیزاں مِل ڳن ، چنگے دی چنگائی اوندے مرݨ دے بعد وی کم ݙیندی اے ، اَڄ ڈاکٹر صاحب اساں وچ موجود کینھی پر اُنہاندا رسالہ کم ݙیندا پے ، کل اساں ٹُر ویسوں قیس صاحب تے کم کرݨ آلے تحقیقاں کرݨ آلئیں کوں اساݙیاں اے کتاباں کم ݙیسن ، اساں گنہگاریں دے شئت اے نیکی کم آ ونڄے تے میݙے پُتریں دا میݙی بخشش سانگے لایا سجایا تھی پووے ، پیسہ تاں ہتھ دی میل اے ، بندہ خالی ہتھ اَئے تے خالی ہتھ ویسے، کتاباں تاں نی مردیاں ، کتاباں آپ وی زندہ رہندین تے اپݨے مؤرخین کوں وی زندہ رکھدین ۔

حوالہ

کتاب "قیس فریدی ۔ فن شخصیت اَتے شاعری "  ترتیب پیشکش  : مہر حامد علی شاکر سیال ، ناشر جھوک پبلشرز ، ملتان