رزاق سالک
اصل ناں عبدالرزاق ہے۔ 1966ء کوں مہرے والا تحصیل راجن پور اچ پیدا تھئے۔ میٹرک تک تعلیم حاصل کیتی ۔ کار پینٹر دے شعبے نال منسلک ہن۔ٻہوں محنتی تے چنگے اخلاق دے مالک انسان ہن۔ سرائیکی پڑھݨ لکھݨ دا ٻہوں شونق ہووݨ پاروں سرائیکی شاعری شروع کیتی تے سرائیکی شاعری اچ مقبولیت حاصل کیتی۔ݙاڈھے کمال دی شاعری کریندن۔
اصل ناں عبدالرزاق
قلمی ناں رزاق سالک
جمن 1966ء
تعلیم میٹرک
پیشہ کار پینٹر
فون نمبر 03361688566
جاہ پتہ مہرے والا تحصیل و ضلع راجن پور
غزل
[لکھو | ماخذ وچ تبدیلی کرو]سخت لہجے کوں پیار نئیں ملدا
کھوٹی دلڑی کوں یار نئیں ملدا
جیڑھے دریا دی موج توں ڈردن
اینجھیں لوکیں کوں پار نئیں ملدا
کیکوں ڈیواں میں واگ ویلھے دی
شاہ تاں ملدن سوار نئیں ملدا
مونجھی دلڑی کوں روز آہدا ہاں
کجھ تاں ہوں کوں وسار نئیں ملدا
سرخی ،کجلا ، مساگ مِل ویندے
روح دا سالک ؔ سنگار نئیں ملدا
_________________________________
دید بھالیں کمال نہ تھیوے؟
زندگی بے مثال نہ تھیوے؟
کیا مجالِ فقیر سالکؔ دی
حکم تھیوے، مجال نہ تھیوے؟