رحیم یار خان دے ناں دی وجہ تسمیہ
نواب صاحب صادق خان رابع اپݨے پُتر مرحوم جیڑھا ہک آتشزد گی دے حادثے ءِ چ فوت تھیا ، دے ناں تے رحیم یار خان رکھ ݙتا ڳیا ۔آتشزدگی دے ایں واقعے دا نواب صاحب تے ٻہوں اثر تھیا تے او صدمے توں نت روندے رہندے ہن۔ نواب صاحب محمد خان رابع 1898ء ءِ چ انتقال کر ڳے تے نواب بہاول خان خامس جانشین تھیے تاں انہاں ایند ناں صادق آباد رکھ ݙتا ۔سرکاری کاغذات ءِ چ اے ناں استعمال تھیوݨ لڳا ۔ پُراݨاں ریکارڈ اراضی جیڑا ڈپٹی کمشنر آفس ءِ چ موجود ہے ۔ایندے ءِ چ اے ناں ہی علاقے کیتے استعمال تھے۔عوام نے اے ناں قبول نہ کیتا ۔نواب بہاول خان خامس تھوڑے عرصے حکومت دے بعد فوت تھیا تاں ولا ایندا ناں رحیم یار خان رکھ ݙتا ڳیا (17) جتھاں تک موجودہ شہر صادق آباد دا تعلق اے اینکوں ریلوے لائن دی آمد سال 1880ء دے ویلھے اے ناں ݙتا ڳیا ۔ کیوں جو اتھاں ریلوے لائن بݨایا ڳیا تے اتھاں ہک چھوٹی وستی ہئی اَتے ایں علاقے دی تحصیل احمد پور لمہ ہئی ۔کیوں جو آوݨ ونڄݨ دا اہم ذریعہ ریل ہئی اتے جیڑے شہر یا دیہات ریلوے لائن تے آباد ہن او اہمیت اختیار کر ڳے اَتے جیڑے دیہات یا شہر پرے ہووݨ دی وجہ توں پس منظر ءِ چ ونڄݨ شروع تھی ڳے ۔ 1938-39ءِ چ تحصیل ہیڈ کوارٹر احمد پور لمہ توں صادق آباد منتقل تھیا تے آباد کار تیزی نال اِتھاں آباد تھیوݨ لڳے ۔
حوالہ
[لکھو | ماخذ وچ تبدیلی کرو]کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء