رتن ناتھ سرشار

رتن ناتھ سرشار
معلومات شخصیت
ڄم	سنہ 1846ء
وفات	21 جنوری 1903ء (56–57 سال)  حیدر آباد
عملی زندگی
پیشہ	شاعر
کارہائے نمایاں	فسانۂ آزاد
باب ادب

رتن ناتھ سرشار 1846ء وچ لکھنؤ (برطانوی ہند) دے ہک کشمیری پنڈت گھراݨے وچ ڄمیے۔ چار سال دی عمر ا چ اُنہاں دے پیو دا انتقال تھی ڳیا، جیندی وجہ نال اُنہاں دی پرورش اُنہاں دی ماں نے کیتی۔ لکھنؤ اچ اُنہاں نے عربی، فارسی تے انگریزی زباناں دی تعلیم حاصل کیتی، پر ڈگری مکمل نہ کر سڳے۔ بعد ا چ اُنہاں نے ہک اسکول اچ استاد دی حیثیت نال کم کیتا تے اخباراں کیتے مضامین لکھݨ شروع کیتے ۔

ادبی خدمات تے شہرت

سرشار دا سبھ توں مشہور کم "فسانۂ آزاد" ہے، جیڑھا 1878ء ا چ "اودھ اخبار" ا چ قسط وار شائع تھیا۔ ایہ ناول لکھنؤ دی معاشرتی تہذیب، زوال، تے عیش پرستی دی عکاسی کریندا ہے تے ایندے وچ آزاد تے خوجی دے کرداراں دے ذریعے طنز تے مزاح دا رنگ شامل ہے۔ اِیکوں اردو ادب دا پہلا "صحافتی ناول" وی آکھیا ویندا ہے، جیندے وچ کردار نگاری تے بیگماتی زبان دا استعمال قابل ذکر ہے ۔

ٻیاں تصانیف تے ترجمے

• سیر کوہسار: سفرنامہ جیہڑا پہاڑی علاقیاں دی رومانوی کہاݨی بیان کریندا ہے۔
• جام سرشار: سماجی مسائل تے مرکوز ہک ناول۔
• الف لیلہ دا اردو ترجمہ: جیڑھا اردو ادب وچ ہک شاہکار منیا ویندا ہے ۔

ذاتی حیاتی تے عادات

سرشار دی حیاتی وچ لاپرواہی تے شراب نوشی دے اثرات نمایاں رہے۔ آخر عمر اچ ایہ عادت اِنہاں دی صحت کیتے تباہ کن ثابت تھئی تے 21 جنوری 1903ء اچ حیدرآباد اچ انتقال کر ڳئے ۔

ادبی مقام تے ورثہ

اُنہاں کوں نذیر احمد دے نال اردو ناول دے بانیاں وچوں ہک منیا ویندا ہے۔ اُنہاں دے کم وچ لکھنؤ دی ترڈدی تہذیب دی گہری عکاسی، سماجی طبقات دی زبان دا حقیقی استعمال، تے فنکارانہ اسلوب شامل ہے۔ "فسانۂ آزاد" کوں اردو ادب دا کلاسیکل درجہ حاصل ہے تے اِیکوں اردو زبان دی ترقی وچ ہک سنگ میل سمجھیا ویندا ہے ۔