رباب رضا

رباب رضا (پیدائش 15 جنوری 1991) ہک زنانی تیراک ہِن ۔ انّھاں دا تعلق پاکستان نال ہے تے اوہ اولمپک تے قومی ریکارڈ رکھݨ والی زنانی تیراک ہِن۔ 2004 اولمپکس وچ تیراکی دے مقابلے وچ حصہ گِھدّے دے بعد اوہ پاکستان دی پہلی زنانی اولمپک تیراک بݨ ڳئیں ۔

2004 دے گرمائی اولمپکس وچ رباب نے 50 میٹر فری اسٹائل تیراکی دے مقابلیاں وچ حصہ گِھدّا پر اوہ پہلے مرحلے تک پُڄݨ وچ ناکام رہیں۔ پر بلا شبہ انّھاں نے مستقبل دی زنانی پاکستانی تیراکاں کِیتے موقع فراہم کِیتا۔ 1996 دے اولمپکس وچ شبانہ اختر دے بعد رباب اولمپکس وچ حصہ گِھدّݨ والی ݙوجھی پاکستانی زنانی بݨ ڳئیں — ملک دی تریجھی زنانی حریف، سمیرا ظہور توں پہلے، جیڑھیاں رباب دی تیراکی دے کجھ ݙینہاں بعد 2004 دے کھیلاں وچ 1500 میٹر دی دوڑ وچ حصہ گِھدّا ہئی۔ اولمپک دوڑ دے وقت، 13 سال دی عمر وچ، رباب اولمپکس وچ حصہ گِھدّݨ والی ہݨ تک دی سبھ توں گھٹ عمر والی پاکستانی زنانی ہَن۔

پاکستانی سوئمنگ فیڈریشن نے انّھاں کوں ماہانہ صرف 30 ڈالر دی مالی اعانت فراہم کِیتی، پر خوش قسمتی نال انّھاں نے اپݨے والد دی حمایت حاصل کِیتی جیڑھے ہک ریٹائرڈ آرمی میجر ہِن۔ رباب رضا دی والدہ ہک ڈاکٹر ہِن۔

رباب ملک کِیتے متعدد قومی اعزازات جِت چُکی ہِن تے ایشین تیراکی دے مقابلیاں وچ وی انّھاں نے کامیابی حاصل کِیتی ہے۔ انّھاں نے ایران دے شہر تہران وچ اسلامی زنانیاں دے یکجہتی کھیلاں وچ 50 میٹر فری اسٹائل وچ طلائی تمغہ وی جِتیا۔

اوہ پاکستان کِیتے اِنّھاں مواقع تے وی تیراکی دے مقابلیاں وچ حصہ گِھدّے ہِن:

• جنوب ایشیائی کھیل 2006ء
• دولت مشترکہ کھیل 2006ء