راولپنڈی ریلوے ٹیشݨ

راولپنڈی ریلوے ٹیشݨ، پاکستان دے صوبہ پنجاب دے شہر راولپنڈی وچ کراچی–پشاور مرکزی ریلوے لائن تے واقع ہے۔ ایہہ ٹیشݨ ملک دے مصروف ترین ریلوے ٹیشݨیں وچوں ہک ہے۔ ایندی عمارت برطانوی فن تعمیر دا ہک اعلیٰ نمونہ ہے۔

تاریخ

راولپنڈی ریلوے ٹیشݨ برطانوی دور حکومت وچ 1881ء وچ تعمیر کیتا ڳیا ہا۔ ایندی تعمیر 1870ء وچ شروع تھئی ہائی تے ایہہ پنجاب ناردرن سٹیٹ ریلوے دا حصہ ہا۔ ایں ریلوے لائن دا مقصد لاہور کوں راولپنڈی دے رستے پشاور نال ملایا ونج سڳے۔

عمارت تے فن تعمیر

راولپنڈی ریلوے ٹیشݨ دی عمارت برطانوی فن تعمیر دا ہک اعلیٰ نمونہ ہے۔ ایندے وچ وکٹورین دور دی جھلک نظر آندی ہے تے ایہہ انڈو-ساراسینک طرز تعمیر دی ہک شاندار مثال ہے۔ عمارت وچ پیلے رنگ دے ریت دے پتھر دیاں کندھاں، محراب آلے داخلی راستے تے ہک پراݨی گھڑی نصب ہے۔

سہولیات

راولپنڈی ریلوے اسٹیشن وچ مسافریں کیتے ساریاں ضروری سہولیات موجود ہن۔ اتھاں ریلوے ریزرویشن دفتر، انفارمیشن سینٹر، کارگو پک اینڈ ڈراپ دی سہولت، کار پارکنگ، دکاناں، کتب خانے، واٹر کولر، بیت الخلا، ٹک شاپس، مشروب دے مراکز، بینک دیاں سہولیات، دعائیہ ہال، آرام دیاں جاہیں تے ہوٹل وغیرہ شامل ہن۔

ٹرین سروسز

راولپنڈی ریلوے ٹیشݨ توں پاکستان دے مختلف شہریں کیتے ٹریناں چلدیاں پئیاں ہن۔ اتھو کراچی، لاہور، فیصل آباد، پشاور، گوجرانوالہ، ملتان تے کوئٹہ سمیت ٻئے شہریں کیتے ٹریناں دستیاب ہن۔

محل وقوع

راولپنڈی ریلوے ٹیشݨ راولپنڈی شہر دے وچالے صدر دے علاقے وچ ٹیشݨ روڈ تے واقع ہے۔ ایہہ تاریخی ریلوے ٹیشݨ راجہ بازار دے نیڑے واقع ہے تے اتھو اسلام آباد ریلوے ٹیشݨ وی نیڑے ہے۔