رانا محمد یونس شاہد

اصل ناں       محمد یونس

تخلص          شاہدؔ

جٖمنْ           1973ء

تعلیم          میٹرک

پیشہ           تجارت

فون نمبر        0300 6077895

جاہ پتہ       جوہر آباد ضلع خوشاب

غزل

او تیڈٖے نال گزارا وقت سارا یاد آندا ہے

میکوں اجٖ وی تیڈٖی اکھ دا اِشارا یاد آندا ہے

تیڈٖے کیتے بکھیڑاہئی اساڈٖی زندگی رُل گٖئی

میکوں قصہ جوانی دا دوبارا یاد آندا ہے

اساں در در تے رل گٖئے ہاں توں گٖل لیکھاں دی کردا ہیں

میکوں اپنْے مقدر دا ستارا یاد آندا ہے

نہ توں بھلدا ، نہ میں رلدا نہ سہندا ہجر دے صدمے

جیڑھا ڈٖے کے ولایا ہئی سہارا یاد آندا ہے

توں آہدا ہائیں میں مر ویساں جے شاہدؔ تیتھوں میں نکھڑا

تیڈٖا بُٖک بُٖک او  روونْ دا نظارا یاد آندا ہے

٭٭٭