رانا محمد اقبال خان
رانا محمد اقبال خان | |
|---|---|
| اسپیکر ایوانِ پنجاب | |
| In office 2013ء – تا حال | |
| President | آصف علی زرداری ممنون حسین |
| Prime Minister | میر ہزار خان کھوسو(نگران) نواز شریف |
| Constituency | پی پی-184 لامبے جاگیر (پتوکی، قصور) |
| In office 2008ء – 2013 | |
| President | پرویز مشرف محمد میاں سومرو(قائم مقام) آصف علی زرداری |
| Prime Minister | شوکت عزیز محمد میاں سومرو(نگران) یوسف رضا گیلانی راجہ پرویز اشرف |
| Constituency | پی پی-184 لامبے جاگیر (پتوکی، قصور) |
| Personal details | |
| Born | 20 April 1945 ضلع کرنال، پنجاب، برطانوی ہند (اب ہریانہ، بھارت) |
| Citizenship | سانچہ:پاکستان |
رانا محمد اقبال خان، ہک منجھے ہوئے سیاست دان تے جاگیردار ہن۔ اوہ صوبائی ایوانِ پنجاب دے مکلم (اسپیکر) رہے۔
ڄم
[لکھو | ماخذ وچ تبدیلی کرو]آپ ہک راجپوت رانگڑ رانا پھول محمد خاں دے ہاں 20 اپریل 1945ء کوں وستی گم تھلہ گڑھو، تحصیل پیہووا، ضلع کرنال (ہݨ، ضلع کروکشیتر) وچ پیدا تھئے۔
تعلیم
[لکھو | ماخذ وچ تبدیلی کرو]انہاں نے ابتدائی تعلیم بھائی پھیرو (ہݨ پھول نگر) توں حاصل کیتی۔ انہاں نے گورنمنٹ کالج توں گریجویشن کیتا۔ 1968ء وچ اسلامیہ کالج سول لائنز توں انہاں نے بیچلر آف آرٹس دی ڈگری حاصل کیتی۔ انہاں نے 1971ء وچ ہارورڈ لا اسکول توں بیچلر آف لاز دی ڈگری حاصل کیتی۔
وکالت
[لکھو | ماخذ وچ تبدیلی کرو]خان پیشے دے لحاظ نال وکیل ہن۔ انہاں نے 1975ء توں 1976ء تک چونیاں تحصیل بار ایسوسی ایشن دے سیکرٹری دے طور تے خدمات انجام ݙتیاں۔
سیاسی کیریئر
[لکھو | ماخذ وچ تبدیلی کرو]خان نے اپݨی سیاسی حیاتی دا آغاز 1979ء توں 1983ء تک یونین کونسل پھول نگر دے چیئرمین دے طور تے کیتا۔ اوہ 1983ء توں 1987ء تک ضلع کونسل قصور دے وائس چیئرمین تے 1987ء توں 1993ء تک چیئرمین ضلع کونسل قصور رہے۔
اوہ 1993ء دے پاکستانی عام انتخابات وچ حلقہ پی پی 149 (قصور) توں پاکستان مسلم لیگ (ن) دے امیدوار دے طور تے پنجاب دی صوبائی اسمبلی دے کیتے ولا منتخب تھئے۔ انہاں نے 31,457 ووٹ حاصل کیتے تے پاکستان مسلم لیگ (جے) دے امیدوار ملک مہر دین کوں شکست ݙتی۔
اوہ 1997ء دے پاکستانی عام انتخابات وچ حلقہ پی پی 149 (قصور) توں مسلم لیگ (ن) دے امیدوار دے طور تے پنجاب دی صوبائی اسمبلی دے کیتے ولا منتخب تھئے۔ انہاں نے 35,049 ووٹ حاصل کیتے تے مسلم لیگ جے دے امیدوار کوں شکست ݙتی۔ پنجاب اسمبلی دے ارکان دی حیثیت نال اپݨے دور وچ انہاں نے پنجاب دے صوبائی وزیر برائے لائیو سٹاک تے ڈیری ڈویلپمنٹ دے طور تے خدمات انجام ݙتیاں۔ اوہ 1997ء تے 1999ء دے درمیان پنجاب دے صوبائی وزیر جنگلات، جنگلی حیات، ماہی پروری تے سیاحت وی رہے۔
انہاں نے 2002ء دے پاکستانی عام انتخابات وچ حلقہ پی پی 184 (قصور-X) توں آزاد امیدوار دے طور تے پنجاب دی صوبائی اسمبلی دی نشست دے کیتے انتخاب لڑیا، پر اوہ ناکام رہے۔ انہاں نے 20488 ووٹ حاصل کیتے تے پاکستان مسلم لیگ (ق) دے امیدوار رانا سرفراز احمد خان توں نشست ہار ڳئے۔
اوہ 2008ء دے پاکستانی عام انتخابات وچ حلقہ پی پی 184 (قصور-X) توں مسلم لیگ (ن) دے امیدوار دے طور تے پنجاب دی صوبائی اسمبلی دے کیتے ولا منتخب تھئے۔ انہاں نے 27,689 ووٹ حاصل کیتے تے مسلم لیگ (ق) دے امیدوار رانا سرفراز احمد خان کوں شکست ݙتی۔ اپریل 2008ء وچ اوہ پنجاب دی صوبائی اسمبلی دے اسپیکر منتخب تھئے جتھاں اوہ 2013 تک خدمات انجام ݙیندے رہے۔
اکتوبر 2008ء وچ اوہ پنجاب دے قائم مقام گورنر بݨ ڳئے۔ 2011ء وچ، اوہ سلمان تاثیر دے قتل دے بعد وی پنجاب دے قائم مقام گورنر بݨیے۔
اوہ 2013ء دے پاکستانی عام انتخابات وچ حلقہ پی پی 184 (قصور-X) توں مسلم لیگ (ن) دے امیدوار دے طور تے پنجاب دی صوبائی اسمبلی دےکیتے ولا منتخب تھئے۔ جون 2013 وچ، اوہ 297 ووٹ حاصل کرݨ دے بعد پنجاب دی صوبائی اسمبلی دے اسپیکر دے طور تے ولا منتخب تھئے۔
2015ء وچ، محمد سرور دے استعفیٰ دے بعد خان کوں پنجاب دا قائم مقام گورنر مقرر کیتا ڳیا ہئی۔
نومبر 2017ء وچ، اوہ 2008ء توں 2018ء تک ݙو اسمبلیاں دی مکمل مدت پوری کرݨ آلے پنجاب اسمبلی دے پہلے سپیکر بݨ ڳئے تے مسلسل ٩ سال توں زائد عرصے تک ایں عہدے تے رہوݨ دی وجہ نال پنجاب اسمبلی دے سب توں طویل عرصے تک رہوݨ آلے سپیکر بݨ ڳئے۔
اوہ 2018ء دے پاکستانی عام انتخابات وچ حلقہ PP-181 (قصور-VIII) توں مسلم لیگ (ن) دے امیدوار دے طور تے پنجاب دی صوبائی اسمبلی دے کیتے ولا منتخب تھئے۔
16 اگست 2018ء کوں انہاں دی جاہ چوہدری پرویز الٰہی کوں پنجاب اسمبلی دا سپیکر مقرر کیتا ڳیا۔