رام تیرتھ مندر

ایہ مندر ملتان شہر کنوں مشرق دے پاسے ہِک میل دے پن٘دھ اُتے واقع ہَئی۔ ہُݨ شہر دی حد وِچ آ ڳِیا ہے۔ آکھیا وین٘دے جو مہا راج رام چندر جی جہڑیلے ملتان آئے ہَن تاں اُنّھاں نے اِیں جاء اُتّے ٹِکاݨاں کِیتا ہَئی اَتے انّھاں نے یادگار دے طور تے ہِک تَلاء بݨوایا اَتے اعلان کِیتا جو جہڑا بندہ اِیں تَلاء وِچ دھان٘سی اُوکوں تیرتھ اشنان دا ثواب مِلسی۔ انتقالِ اَبادی کنوں پہلاں بھادوں وِچ پورنماشی دے موقع اُتے اِتّھاں ہِک زبردست میلہ لڳدا ہَئی، جین٘دے وِچ ملتان شہر دے سارے ہندو شرکت کرین٘دے ہَن۔

اِیہ مندر اِیں امر دی نشاندہی کرین٘دے ہِن جو مہا راج رام چندر جی آپݨی راݨی اَتے بِھرا دے نال دریائے راوی دے رَستے ملتان آئے ہَن، اُنّھاں نے ملتان شہر دے ٻاہر کُھلّی جاء کوں آپݨے ٹِکاݨے کِیتے پسند کِیتا، اَتے راوی دے مَݨ تے ہِک مینو سواد جاء وِچ ٹِکاݨاں کِیتا۔ اِنّھاں تاریخی شواہد نال اِیہ شَک پَک وِچ بدل وین٘دا ہِے جو راݨی کیکئی دے ڄَمّݨ دی جاء ملتان ہَئی۔

ٻِیا ݙیکھو

• راجہ ہرناکشپ۔
• رام چوترہ مندر۔
• پرہلاد۔