رافعہ پروین

رافعہ پروین (اردو: رافعہ پروین؛ جنم: 13 نومبر 1992ء) ہک پاکستانی فٹ بال کھلاڑی ہِن جیڑھیاں پاکستان زنانیاں دی قومی فٹ بال ٹیم کِیتے بطور محافظ کھیݙدی ہِن ۔ پاکستان وچ فٹ بال دا کھیل لاتعداد مسائل دا شکار ہے، سہولیات دا فقدان ہک وݙی وجہ ہے۔ پر ہک تلخ حقیقت اِیہ ہے جو زنانیاں فٹ بال مرد فٹ بال توں وی زیادہ ابتری دا نمونہ بݨیا ہویا ہے۔ اِنّھاں سب دے باوجود اساݙیاں باہمت تے باصلاحیت کھلاڑیاں اِیں عالمی شہرت دے کھیل وچ اپݨاں ناں کَماوݨ کِیتے بھرپور طریقے نال کوشاں ہِن، جیڑھا ہر سطح تے تسلیم کِیتا ویندا پیا ہے۔

ایشین گیمز، جیڑھے 29 جنوری توں 9 فروری 2010ء تک ڈھاکہ، بنگلہ دیش وچ منعقد تھیوݨ والا ہک کثیر کھیلاں دا وݙا ایونٹ ہئی۔ اِیہ تریجھا موقع ہئی جِہڑیلے بنگلہ دیش دا دارالحکومت ڈھاکہ نے ایشین کھیل دی میزبانی کیتی، اِیں طرح ڈھاکہ متعدد واری اِنّھاں کھیلاں دی میزبانی کرݨ والا چوتھا شہر بݨ ڳیا (کولمبو، کھٹمنڈو تے اسلام آباد دے بعد)۔ اِیہ بنگلہ دیش دی تاریخ وچ کھیلاں دا ہݨ تک دا سبھ توں وݙا ایونٹ ہئی۔ اِنّھاں کھیلاں وچ پاکستان دا شریک دستہ 300 توں زائد کھلاڑیاں تے مشتمل ہئی جیندے وچ پاکستان دے فٹ بال دستے وچ رافعہ پروین وی شامل ہَن۔

پاکستان فٹ بال فیڈریشن، لاہور وچ سینئر زنانیاں قومی ٹیم دے تربیتی کیمپ کِیتے ملک دے ٹاپ 30 کھلاڑیاں کوں بِلایا ڳیا ہئی، جیڑھیاں نیشنل ٹیکنیکل ڈائریکٹر تے ہیڈ کوچ ڈینیل لیمونز تے تجربہ کار کوچز اختر محی الدین دی نگرانی وچ تربیت حاصل کِیتی۔ رافعہ پروین دے علاوہ ملیحہ علادین، عالیہ صادق، علیزہ، عاصمہ عثمان، بی بی عزیز، دہلیہ فاروق، دعا گیلانی، ایشال، فاطمہ بلوچ، غزالہ عامر، ہاجرہ خان، قافیہ کریم، خدیجہ کاظمی، کرن قریشی، ماریہ جمیلہ، مہناز شاہ، مشال، نادیہ بھٹی، نینا زہری، نشا، رامین، روبینہ، سحر زمان، سارہ خان، شاہدہ امین، شمائلہ ستار، سیدہ ماہپارہ تے زلفیہ نذیر شامل ہَن۔