راشمیکا مندنہ

راشمیکا مندنہ
راشمیکا 2022ء میں
معلومات شخصیت
ڄم	(1996-04-05) 5 اپریل 1996 وراج پیٹ، کرناٹک، بھارت
رہائش	بنگلور، کرناٹک، بھارت
شہریت	بھارت
اکھیں دا رنگ	ڳھاٹا بھورا
والیں دا رنگ	کالا
قد	1.68 میٹر
عملی زندگی
پیشہ	اداکارہ، فیشن ماڈل
پیشہ ورانہ زبان	کنڑ زبان ،  ہندی
دور فعالیت	2016ء تا حال
	IMDB پر صفحہ

راشمیکا مندنہ (کنّڑا: ರಶ್ಮಿಕಾ ಮಂದಣ್، انگریزی: Rashmika Mandanna)ہک بھارتی ماڈل تے اداکارہ ہن جیہڑی زیادہ تر کنّڑا تے تیلگو فلماں وچ کم کریندی ہے۔ انہاں نے اپݨے فنی سفر دا آغاز کنّڑ فلم "کرک پارٹی" نال کیتا تے ایں فلم دی کامیابی دے نال ہی اوہ جنوبی ہند دے سنیما دی ہک مشہور تے مہنگی اداکارہ بݨ ڳئی۔ انہاں نے کئی اعزازات وی جتیے ہن۔ انہاں کوں کنّڑا فلمی صنعت تے میڈیا وچ "کنّڑا دی دھڑکن" دے ناں نال ڄاݨیا ویندا ہے۔ بنگلور ٹائمز نے انہاں کوں 2017ء دی 30 مشہور، معروف تے مذکور زنانیاں وچوں پہلے نمبر تے رکھیا ہئی۔ اوہ ٹالی ووڈ دی انہاں گنتی دیاں کامیاب اداکاراواں وچوں ہن جنہاں نے ٻہوںڳھٹ وقت وچ 100 کروڑ روپے دے کلب تک رسائی حاصل کیتی۔

راشمیکا نے 2018ء وچ اپݨی پہلی تیلگو فلم "چلو" کیتی، جیہڑی رومانوی ڈراما فلم ہئی تے باکس آفس تے کامیاب ثابت تھئی۔

ابتدائی تے ذاتی زندگی

راشمیکا مندنہ 5 اپریل 1996ء کوں بھارتی ریاست کرناٹک دے ضلع کوداگو دے ہک قصبے ویراجپیت وچ پیدا تھئی۔ اوہ اپݨے ماء پیو مدن مندنہ تے سُمن مندنہ دی وݙی دھی ہن۔ انہاں دی ہک نکی بھیݨ شِمن مندنہ وی ہے، جیہڑی ہݨ وی کوڈاگو دے پرائمری اسکول وچ پڑھدی ہے، تے ہک وݙا بھرا وی ہے جیہڑا سن انسٹی ٹیوٹ وزاک وچ اے جی بی ایس سی کر یندا پیا ہے۔ راشمیکا نے ابتدائی تعلیم کُورگ پبلک اسکول توں حاصل کیتی تے میسور یونیورسٹی آف کامرس اینڈ آرٹس وچ داخلہ ڳھدا۔ انہاں نے ایم ایس کالج آف آرٹس توں انگریزی ادب، نفسیات تے صحافت وچ بیچلر ڈگری حاصل کیتی۔ پڑھائی دے نال نال اوہ ماڈلنگ وی کریندی رہی تے کئی اشتہارات وچ وی کم کیتا۔