رابن وارن

جان رابن وارن

(John Robin Warren The Explorer of Peptic Ulcer)

جان رابن وارن ہک آسٹریلوی پیتھالوجسٹ ، نوبل انعام یافتہ ، تے محقق ہن جنہاں کوں 1979 وچ بیری مارشل دے نال مل تے Helicobacter pylori بیکٹیریئم دی دوبارہ دریافت دا سہرا ݙتا ویندا ہے ۔ ایں جوڑی طبی برادری کوں ثابت کیتا کہ Helicobacter pylori (H. pylori) بیکٹیریئم ٻہوں سارے پیپٹک السر دی وجہ ہے ۔

ابتدائی زندگی تے تعلیم

جان وارن 11 جون 1937 کوں پرتھ ، ویسٹرن آسٹریلیا وچ پیدا تھئے ۔ انہاں دے والد ہک ڈاکٹر ہن ۔ وارن ابتدائی تعلیم پرتھ وچ حاصل کیتی تے بعد وچ یونیورسٹی آف ویسٹرن آسٹریلیا توں طب (Medicine) دی تعلیم حاصل کیتی ۔ سائنس نال انہاں دی دلچسپی اینہی دور وچ ودھݨ لڳی ۔

سائنسی سفر دا آغاز

طب دی تعلیم مکمل کرݨ توں بعد ، وارن کجھ عرصہ مختلف ہسپتالاں وچ انٹرن شپ تے ریزیڈنسی کیتی ۔ ول انہاں بطور پیتھالوجسٹ کم شروع کیتا ۔

Helicobacter pylori تے پیپٹک السر

وارن دی سب توں اہم تحقیق Helicobacter pylori (H. pylori) بیکٹیریئم تے پیپٹک السر (peptic ulcer) تے ہئی ۔ انہاں بیری مارشل دے نال مل تے پتہ لڳایا کہ H. pylori بیکٹیریئم معدے وچ موجود ہوند ہے ۔ انہاں ایہ وی پتہ لڳایا کہ ایہ بیکٹیریئم معدے دی دیوار وچ انفیکشن پیدا کر تے السر پیدا کر سڳدا ہے ۔ انہاں دی تحقیق ایہ ثابت کیتا کہ پیپٹک السر بنیادی طور تے بیکٹیریل انفیکشن دی وجہ توں تھیندے ہن ، نہ کہ تناؤ دی وجہ توں ۔

نوبل انعام

2005 وچ جان وارن تے بیری مارشل کوں "Helicobacter pylori بیکٹیریئم دی دریافت تے گیسٹرائٹس تے پیپٹک السر وچ ایندے کردار کیتے فزیالوجی یا میڈیسن دا نوبل انعام ݙتا ڳیا ۔

مہاندرے سائنسدان دی حیثیت نال سنڄاݨ

جان وارن ہک عظیم سائنسدان ہن جنہاں طب دے شعبے وچ اہم کردار ادا کیتا ۔ انہاں دی تحقیق نال پیپٹک السر دے علاج وچ ٻہوں مدد ملی ہے ۔

وفات

جان رابن وارن 23 جولائی 2024 کوں فوت تھئے ۔ او ایں جہان توں جھوک لݙا ڳئے ، پر انھاں دی تحقیق ہمیشاں سائنسداناں کوں روشنی ݙیندی راہسی ۔