رابرٹ ہوف سٹیڈٹر

رابرٹ ہوف سٹیڈٹر

رابرٹ ہوف سٹیڈٹر ہک امریکی ماہر طبیعیات ہن ۔ او 1961 وچ طبیعیات دا نوبل انعام روڈولف موسباور دے نال رل تے "جوہری نیوکلیئس وچ الیکٹران دی سکیٹرنگ دے اپݨے شاندار مطالعہ تے نیوکلیئنز دی ساخت دے بارے وچ اپݨیاں دریافتوں کیتے" جتݨ والے ہن ۔

سوانح عمری

ہوف سٹیڈٹر 5 فروری 1915 کوں نیو یارک شہر وچ پولش یہودی مہاجرین لوئس ہوف سٹیڈٹر ، ہک سیلز مین ، تے ہینریٹا ، née کوئنزبرگ دے گھر پیدا تھئے ہن ۔ انہاں نیو یارک شہر وچ ایلیمنٹری تے ہائی سکولاں وچ تعلیم حاصل کیتی تے سٹی کالج آف نیو یارک وچ داخلہ گھدا ، 1935 وچ 20 سال دی عمر وچ بی ایس دی ڈگری میگنا کم لاؤڈ نال گریجویشن کیتی ، تے ریاضی تے طبیعیات وچ کینیئن انعام نال نوازا ڳیا ۔ انہاں کوں جنرل الیکٹرک کمپنی توں چارلس ہے کوفن فاؤنڈیشن فیلوشپ وی ملی ، جنے انہاں کوں پرنسٹن یونیورسٹی وچ گریجویٹ سکول ونڄݨ دے قابل بݨایا ، جتھاں انہاں 23 سال دی عمر وچ اپݨی ایم ایس تے پی ایچ ڈی دی ڈگریاں حاصل کیتیاں ۔ انہاں دا ڈاکٹریٹ مقالہ "ہلکی تے بھاری فارمک تے ایسیٹک ایسڈز کنوں انفراریڈ جذب" دے عنوان نال ہا ۔ انہاں یونیورسٹی آف پنسلوانیا وچ پوسٹ ڈاکٹریٹ تحقیق کیتی تے سٹینفورڈ یونیورسٹی وچ شامل تھیوݨ توں پہلے پرنسٹن وچ اسسٹنٹ پروفیسر ریہے ۔ ہوف سٹیڈٹر 1950 توں 1985 تئیں سٹینفورڈ وچ پڑھائے ۔

1942 وچ انہاں بالٹیمور دی نینسی گیون (1920–2007) نال شادی کیتی ۔ انہاں دے ترائے ٻال ہن لورا ، مولی (جیہڑی معذور ہئی تے ڳالھ مہاڑ نی کر سڳدی ہئی) ، تے پلٹزر انعام جتݨ والے ڈگلس ہوف سٹیڈٹر ۔

تھالیم نال چالو سوڈیم آئوڈائڈ گاما رے ڈیٹیکٹر

1948 وچ ہوف سٹیڈٹر ایں کرسٹل کنوں آئنائزنگ تابکاری دا پتہ لاوݨ کیتے ایندا پیٹنٹ درج کرایا ۔ ایہ تھالیم نال چالو سوڈیم آئوڈائڈ ڈیٹیکٹر اڄ وی گاما رے دا پتہ لاوݨ کیتے وݙے پیمانے تے استعمال تھیندن ۔

فرمی (اکائی) دی تخلیق تے 1961 نوبل لیکچر

رابرٹ ہوف سٹیڈٹر اطالوی ماہر طبیعیات اینریکو فرمی (1901–1954) دے اعزاز وچ فرمی دی اصطلاح ، نشان fm ، تخلیق کیتی ، جیڑھے جوہری طبیعیات دے بانیاں اچوں ہک ہن ، ہوف سٹیڈٹر دے 1956 دے پیپر وچ جیڑھا ریویوز آف ماڈرن فزکس جریدے وچ شائع تھیا ہا ، "الیکٹران سکیٹرنگ اینڈ نیوکلیئر سٹرکچر" ۔ ایہ اصطلاح جوہری تے ذرہ طبیعیات داناں کنوں وݙے پیمانے تے استعمال تھیندی ہے ۔ جݙاں ہوف سٹیڈٹر کوں 1961 وچ طبیعیات دا نوبل انعام ݙتا ڳیا ، تاں ایہ بعد وچ انہاں دے 1961 دے نوبل لیکچر ، "الیکٹران سکیٹرنگ دا طریقہ تے ایندا اطلاق نیوکلی تے نیوکلیئنز دی ساخت تے" (11 دسمبر ، 1961) دے متن وچ ظاہر تھیا ۔

کومپٹن گاما رے آبزرویٹری تے ای جی آر ای ٹی دوربین

اپݨے آخری کجھ سالاں وچ ، ہوف سٹیڈٹر فلکی طبیعیات وچ دلچسپی گھنݨ لڳے تے سائنٹیلیٹرز دے بارے وچ اپݨے علم کوں ای جی آر ای ٹی گاما رے دوربین دی ڈیزائن تے لاڳو کیتا جیڑھی کامپٹن گاما رے آبزرویٹری دی ہئی جیڑھا ساتھی نوبل انعام یافتہ طبیعیات (1927) ، آرتھر ہولی کامپٹن دے ناں تے ہئی ۔ سٹینفورڈ یونیورسٹی دا شعبہ طبیعیات ہوف سٹیڈٹر کوں "کامپٹن آبزرویٹری تیار کرݨ والے اہم سائنسداناں اچوں ہک" ہووݨ دا کریڈٹ ݙیندے ۔

ایوارڈ تے اعزازات

1958 ، نیشنل اکیڈمی آف سائنسز کیتے منتخب ۔

1961 طبیعیات دا نوبل انعام ، رودولف موسباؤر دے نال مشترکہ فاتح ، "جوہری نیوکلیئس وچ الیکٹران دی سکیٹرنگ دے اپݨے [ہوف سٹیڈٹر دے] شاندار مطالعہ تے نیوکلیئنز دی ساخت دے بارے وچ اپݨیاں دریافتوں کیتے" ۔

سٹینفورڈ یونیورسٹی وچ ہوف سٹیڈٹر دے ناں تے ہک سالانہ لیکچر سیریز ہے ، رابرٹ ہوف سٹیڈٹر میموریل لیکچرز ، جیڑھا ہر سال ݙو لیکچرز تے مشتمل ہوندے ہن ، ہک عام لوکاں کیتے تے ݙوجھا سائنسداناں کیتے ۔

1970 ، امریکن اکیڈمی آف آرٹس اینڈ سائنسز کیتے منتخب ۔

1984 امریکن اکیڈمی آف اچیومنٹ دا گولڈن پلیٹ ایوارڈ ۔

1986 ، امریکن فلاسوفیکل سوسائٹی کیتے منتخب ۔