ذہین طاہرہ

ذہین طاہرہ
معلومات شخصیت
ڄَمّݨ دا سَن تے جاء	سنہ 1931ء   لکھنؤ، بھارت
فوتڳی دی تریخ تے جاء	9 جولا‎ئی 2019ء (87–88 سال)  کراچی،
وجہ وفات	دورۂ قلب
طرز وفات	طبعی موت
قومیت	پاکستانی
ٻئے ناں	طاہرہ آپا
عملی حیاتی
پیشہ	اداکارہ
دور فعالیت	1955ء–2019ء
کارہائے نمایاں	خدا کی بستی
اعزازات
تمغائے امتیاز   (2013)
	IMDB پر صفحہ

ذہین طاہرہ (اردو: ذہین طاہرہ، کنوں) (1930ء – 9 جولائی 2019ء) پاکستان ٹیلی ویژن دی ہِک تجربہ کار اَتے اوّلین اداکاراواں وِچوں ہِک ہَئی۔ انّھاں نے فلم کِیتے وی کَم کِیتا، اداکاری کنوں اَن٘ج ذہین طاہرہ پروڈیوسر اَتے ہدایتکار وی ہَئی۔ انّھاں نے ریڈیو پاکستان اَتے سٹیج کِیتے وی کَم کِیتا۔ طاہرہ 1930ء وِچ بھارتی شہر لکھنؤ وِچ ڄَمّی ہَئی، مرحومہ 45 ورھیں ٹیلی ویژن نال جُڑی رہی، 700 کنوں وَدھ ڈرامیاں وِچ اداکاری کِیتی۔

فنی حیاتی

ذہین طاہرہ پاکستان ٹیلی ویژن دی ہِک تجربہ کار اَتے اوّلین اداکاراواں وِچوں ہِک ہَئی۔ انّھاں نے فلم کِیتے وی کَم کِیتا، اداکاری کنوں اَن٘ج ذہین طاہرہ پروڈیوسر اَتے ہدایتکار وی ہَئی۔انّھاں نے سَٹھ، ستّر، اَتے اسّی دے ݙہاکے وِچ کَم کِیتا۔ انّھاں نے کُجھ ٹیلی ویژن سیریز دی ہدایتکاری وی کِیتی۔ اَخِیرلے سالاں وِچ انّھاں نے زیادہ تر نجی ٹیلی ویژن چینلاں دے نال کَم کِیتا۔ انّھاں نے پاکستان ٹیلی ویژن کنوں نشر تھیوݨ آلے شوکت صدیقی دے لِکھے ہوئے ڈرامے "خدا کی بستی" میں مرکزی کردار ادا کِیتا ہَئی۔

ذہین طاہرہ سین٘کڑے ڈرامیاں وِچ نظر آئی، انّھاں کوں پی ٹی وی دے ساریاں کنوں مقبول ترین ڈرامے خُدا کی بستی وِچ وی کَم کرݨ دا اعزاز مِلیا۔ این٘دے کنوں ان٘ج طاہرہ نے "روسہ، دستک، دیس پریس، کالی آنکھیں، کہانیاں، وقت کا آسمان، ماسی اور ملکہ، راستے دل کے، کیسی ہیں دوریاں، شمع، دل دیا دہلیز، چاندنی راتیں، آئینہ، تجھ پے قربان" اَتے ٻئے کئی ڈرامیاں وِچ کَم کِیتا۔

اعزازات

حکومت پاکستان نے شوبز انڈسٹری کیتے لازوال خدمات دے اعتراف وِچ 2013ء انّھاں کوں تمغائے امتیاز کنوں نوازیا۔

ہم ٹی وی لائف ٹائم اچیومنٹ ایوارڈ 2013ء وی ݙِتّا ڳِیا۔

فوتڳی

ذہین طاہرہ 9 جولائی 2019ء کوں 88ورھیاں دی عُمر وِچ کراچیدے ہِک ہسپتال وِچ فوت تھی ڳئی۔