ذکاء اشرف
چوہدری محمد ذکا اشرف ہِک پاکستانی انتظامی افسر ہِن جنہیں تِرئے مختلف دوریں وِچ پاکستان کرکٹ بورڈ دے چیئرمین دے طور تے خدمات انجام ݙِتیاں۔ اوہ 9 ستمبر 1952ء کوں ڄمییے ہن۔
ذکا اشرف ہِک گجر خاندان وِچ ڄمے، انہیں دے پیو چوہدری محمد اشرف ہَن، جیڑھے ذوالفقار علی بھٹو دے قریبی کاروباری تے پیپلز پارٹی دے بااثر سیاست دان ہَن۔ انہیں دا تعلق پنجاب دے ہِک روایتی صنعتی تے زمینداری خاندان نال ہِے۔ ذکا، پی ٹی آئی دے سینئر سیاست دان شفقت محمود تیں مسلم لیگ ن دے سینئر سیاست دان چوہدری جعفر اقبال گجر دے کزن وی ہِن۔
ذکا دا ذوالفقار علی بھٹو دی حکومت دے ویلے 1970ء توں پاکستان پیپلز پارٹی نال تعلق ہِے۔ کالج دے زمانے وِچ اوں نے مستقبل دے سیاست دان آصف علی زرداری نال قریبی تعلقات قائم کیتے۔ پیٹرو توں فارغ التحصیل تھیوݨ دے بعد، اوں نے بیچلر دی ڈگری گِھدی تیں ول اپݨے والد دے کاروبار وِچ شامل تھی ڳئے۔
اوں نے صادق پبلک اسکول، بہاولپور تیں کیڈٹ کالج پیٹرو توں تعلیم حاصل کیتی، جِتھوں ذکاء نے 1973ء وِچ گریجویشن کیتی۔
بطور چیئرمین پاکستان کرکٹ بورڈ، انہیں کوں صدر پاکستان نے 15 اکتوبر 2011ء کوں پاکستان کرکٹ بورڈ دا چیئرمین مقرر کیتا ہئی تیں 27 اکتوبر 2011ء کوں چارج سنبھالا ہئی۔ 10 فروری 2014ء کوں، پاکستان دے وزیر اعظم نواز شریف نے پی سی بی گورننگ بورڈ کوں تحلیل کر ݙِتا تیں انہیں کوں پی سی بی دی چیئرمین شپ توں برطرف کر ݙِتا۔
اگست 2012ء وِچ، اوہ ایشین کرکٹ کونسل دی ڈویلپمنٹ کمیٹی دے چیئرمین منتخب تھئے۔
28 مئی 2013ء کوں اسلام آباد ہائی کورٹ نے ذکا اشرف کوں پاکستان کرکٹ بورڈ دے چیئرمین دے طور تے کم کرݨ توں روک ݙِتا ہئی۔
15 جنوری 2014ء کوں اسلام آباد ہائی کورٹ نے ذکا اشرف کوں پاکستان کرکٹ بورڈ دے چیئرمین دے عہدے تے وَل بحال کر ݙِتا۔
جون 2023ء وِچ، انہیں کوں پاکستان پیپلز پارٹی نے نجم سیٹھی دے مقابلے وِچ چیئرمین پی سی بی دے عہدے کیتے نامزد کیتا ہئی۔ 20 جون 2023ء کوں نجم سیٹھی نے پی سی بی دی چیئرمین شپ دی دوڑ توں دستبرداری دا اعلان کیتا۔ ایں ݙینہہ ذکا اشرف کوں پاکستان کرکٹ بورڈ بورڈ آف گورنرز دا رکن مقرر کیتا گیا۔ 6 جولائی 2023ء کوں، انہاں نے نجم سیٹھی دی جاء گِھدی تیں پاکستان کرکٹ بورڈ دے چیئرمین دے طور تے اپݨا کردار سنبھالا۔
19 جنوری 2024ء کوں، انہاں نے مینجمنٹ کمیٹی دے چیئرمین تیں بورڈ آف گورنر دے ارکان دے عہدے توں استعفیٰ ݙے ݙِتا۔