ذوالحجہ
26 ذوالحجہ اسلامی تقویم دا ٻارھواں تے آخری مہینہ اے۔
واقعات
[لکھو | ماخذ وچ تبدیلی کرو]- 2ھ – غزوۂ سویق تھئی -
- 5ھ – 7 ذوالحجہ کوں غزوۂ بنی قریظہ توں محمد صلی اللہ علیہ و آلہ و سلم دى مدینہ واپسى۔
- 6ھ – صلح حدیبیہ۔
- 9ھ – محمد صلی اللہ علیہ و آلہ وسلم نے حج دے موقع تے علی بن ابی طالب کو سورہ برات سݨاوݨ کیتے بھیجا۔
- 10ھ – 9 ذوالحجہ– محمد صلی اللہ علیہ و آلہ و سلم دا حجۃ الوداع دے دوران وچ آخری خطبہ۔
- 35ھ – 23 ذوالحجہ – عثمان بن عفان مسند خلافت تے تشريف فرما تھئے ۔
- 25 ذوالحجہ – نزول سورہ ہل اتی (سورہ دہر)
ولادت
[لکھو | ماخذ وچ تبدیلی کرو]56ھ – 24 ذوالحجہ میلاد مسعود سیدہ معصومہ حضرت سکینہ علیہ السلام
وفات:-
[لکھو | ماخذ وچ تبدیلی کرو]باغیاں نے سیدنا عثمان رضی اللہ عنہ دے گھر دا چالہی یا انڄاہ ݙینہہ تک محاصرہ کر تے 12 ذوالحج 35 ہجری بروز جمعہ تقریباً نماز دیڳر دے ویلے سیدنا عثمان رضی اللہ عنہ کوں شہید کر ݙتا۔ آپ نے 82 سال دی عمر پاتی۔
حضرت عبد اللہ بن سلام توں روایت اے کہ حضرت عثمان رضی اللہ عنہ خون وچ لت پت پئے ہوئے ہن تے آپ دی زبان تے اللہ دے حضور ایہ دعا جاری ہائی:
اے اللہ امت محمدیہ کوں باہمی اتفاق نصیب فرما۔
آپ انتہائی سخی ہووݨ دی وجہ توں غنی دے لقب توں مشہور ہن۔ آپ کوں ایہ عظیم اعزاز وی حاصل اے کہ آپ نبی کریم صلی اللہ علیہ وآلہ وسلم دی ݙو دھیریں دے پئے ہن۔ آپ اپݨی صفت حیا دے حوالے توں فرشتیاں وچ وی مشہور ہن۔ حضرت عثمان غنی انہاں ݙاہ صحابہ دی جماعت دا وی حصہ ہن جینکوں حضور صلی اللہ علیہ وسلم نے دنیا وچ ہی جنت دی خوشخبری سݨا ݙتی ہائی۔
- 10 ذوالحجہ کو ں عید الاضحٰی منائی ویندی اے۔
- 18 ذوالحجہ کوں مسلک اہل تشیع عید غدیر منیندے ہن۔
- 24 ذوالحجہ کوں عید مباہلہ منائی ویندی ہے۔