دیو آنند

دیو آنند
(انگریزی : Dev Anand)
معلومات شخصیت
ڄمݨ	26 ستمبر 1923(1923-09-26) تحصیل شکر گڑھ
وفات	3 دسمبر 2011ء (88 سال)  لندن
وجہ وفات	عَجزِ قلب
رہائش	ممبئی
شہریت	بھارت (26 جنوری 1950–) ڈومنین بھارت (15 اگست 1947–26 جنوری 1950) برطانوی ہند (1923–1947)
ذال	کلپنا کارتک (1954–2011)
ٻال	سنیل آنند
بھیݨ بھرا	چیتن آنند ،  وجے آنند
عملی زندگی
مادر علمی	گورنمنٹ کالج یونیورسٹی لاہور
کم	فلم اداکار ،  فلم ہدایت کار ،  فلم ساز ،  منظر نویس ،  اداکار ،  مصنف
پیشہ ورانہ زبان	ہندی
اعزازات
دادا صاحب پھالکے ایوارڈ   (2002)  پدم بھوشن   (2001) ایفا حاصل زیست اعزاز
	IMDB پر صفحات

دیو آنند (ڄَمݨ دی تریخ: 26 ستمبر 1923ء) ہندی فلماں دے مشہور اداکار، ہدایت کار اتے فلمساز ہن۔ انہاں دیاں یادگار فلماں وچ گائیڈ، ضدی، بازی اتے جیول تھیف شامل ہن۔ اوہ بالی ووڈ دے صف اول دے اداکاراں وچوں ہن۔ پنجاب دے ضلع گرداس پور وچ پیدا تھئے اتے گورنمنٹ کالج لاہور توں تعلیم حاصل کیتی۔ 1946ء وچ فلم ’ہم ایک ہیں‘ توں انہاں دا فلمی سفر شروع تھیا۔ انہاں دی پہلی کامیاب فلم ’ضدی‘ ہئی۔ انہاں دی گرو دت اتے ثریّا نال ڳھاٹی دوستی ہئی۔ دیو آنند، راج کپور اتے دلیپ کمار نے ہک عرصے تائیں بالی ووڈ تے راج کیتا۔

دھرم دیو پشوری آنند 26 ستمبر 1923ء کوں ضلع گرداسپور (موجودہ نارووال، پاکستان) وچ پیدا تھئے۔ انہاں دے پیو ہک وکیل ہن۔ اوہ ترے بھراواں وچ ݙوجھے نمبر تے ہن۔ اداکار شیکھر کپور انہاں دی بھیݨ دا پُتر ہے۔ انہاں گورنمنٹ کالج لاہور توں انگریزی ادب وچ ڈگری حاصل کیتی۔

گریجویشن دے بعد 1940ء وچ دیو آنند بمبئی آ ڳئے۔ انہاں کجھ عرصہ نوکری کیتی اتے ول IPTA وچ شامل تھی ڳئے۔ 1946ء وچ انہاں کوں فلم ’ہم ایک ہیں‘ وچ کم کرݨ دا موقع ملیا۔ پونہ وچ فلم بندی دے دوران انہاں دی ملاقات گرو دت نال تھئی اتے ݙوہاں کامیابی دی صورت وچ ہک ٻئے دی مدد کرݨ دا وعدہ کیتا۔

دیو آنند نے ڳائیکہ اداکارہ ثریّا دے نال ست کامیاب فلماں وچ کم کیتا۔ فلم بندی دے دوران انہاں دے وچ پیار تھی ڳیا ہئی۔ فلم ’ودیا‘ دی شوٹنگ دے دوران دیو نے ثریّا دی جان بچائی ہئی۔ انہاں ثریّا کوں شادی دی پیشکش وی کیتی لیکن ثریّا دی نانی دی مخالفت دی وجہ توں اے رشتہ مُک نہ سڳا۔ ثریّا ول کݙاہیں شادی نہ کیتی۔

اشوک کمار نے دیو آنند کوں فلم ’ضدی‘ وچ کم کرݨ دا موقع ݙتا جیہڑی کامیاب تھئی۔ 1949ء وچ دیو نے اپݨی پروڈکشن کمپنی نوکیتن دی بنیاد رکھی۔ 1951ء وچ گرو دت دی ہدایت کاری وچ بݨݨ آلی فلم ’بازی‘ ہک کامیاب سنسنی خیز فلم ثابت تھئی۔ فلم ’ٹیکسی ڈرائیور‘ دی شوٹنگ دے دوران دیو نے کلپنا کارتک نال شادی کر ڳھدی۔ انہاں دے ݙو ٻال ہن۔ دیو آنند نے اپݨے مخصوص انداز دی وجہ توں مقبولیت حاصل کیتی اتے ’ہاؤس نمبر 44‘، ’سی آئی ڈی‘ اتے ’پیئنگ گیسٹ‘ جیہاں کامیاب فلماں وچ کم کیتا۔ انہاں وحیدہ رحمٰن دے نال وی کئی کامیاب فلماں کیتیاں اتے فلم ’کالا پانی‘ کیتے اپݨا پہلا فلم فیئر ایوارڈ جتیا۔