دھوانی دیسائی
دھوانی دیسائی ہک ہندوستانی حرکت پزیر فلمساز تے شاعرہ ہن۔ اوہ حرکت پزیر فلم من پسند (دی پرفیکٹ میچ) تے چکرویو (دی شیطانی سرکل) دی مصنفہ ہن۔
ابتدائی حیاتی
[لکھو | ماخذ وچ تبدیلی کرو]دھوانی دیسائی ممبئی وچ پیدا تھئیاں۔ انّھاں دے پیؤ سدھیر دیسائی ہک شاعر، مفکر تے عالم ہن۔ انّھاں دی ماں تارینی دیسائی گجراتی زبان دی جدید کہانی کار ہن جو افسانے لکھدیاں ہن۔ انّھاں دی وݙّی بھیݨ سنسکرترانی دیسائی وی گجراتی شاعرہ ہن۔
تعلیم
[لکھو | ماخذ وچ تبدیلی کرو]انّھاں نے ایلفنسٹون کالج، ممبئی توں شماریات وچ بیچلر آف سائنس تے ممبئی توں فنانس وچ ماسٹر آف بزنس ایڈمنسٹریشن دی ڈگری حاصل کیتی۔ بعد وچ انّھاں نے جمنالال بجاج انسٹی ٹیوٹ آف مینجمنٹ اسٹڈیز توں کمپیوٹر مینجمنٹ وچ پوسٹ گریجویٹ ڈپلوما وی کیتا۔
کیرئیر
[لکھو | ماخذ وچ تبدیلی کرو]انّھاں نے 1991 وچ اینیمیشن دے میدان وچ قدم رکھیا۔ انّھاں نے کمپیوٹر اینیمیشن اسٹوڈیو وچ بطور معاون کم کیتا جتھاں انّھاں نے 2D اینیمیشن سکھی۔ این٘دے بعد انّھاں نے ݙو اینیمیشن اسٹوڈیوز وچ کم کرݨ توں پہلے 3D اینیمیشن دی رسمی تربیت کِیتے ممبئی دے زیویئرز انسٹی ٹیوٹ آف کمیونیکیشن وچ شمولیت اختیار کیتی۔ این٘دے بعد دھوانی دیسائی نے کمپیوٹر گریفٹی (ہندوستانی اینیمیشن دے شعبے وچ ہک نامور اسٹوڈیو) وچ شمولیت اختیار کیتی جتھاں انّھاں نے اپݨا اینیمیشن اسٹوڈیو قائم کرݨ توں پہلے پدم شری رام موہن دی رہنمائی وچ 2D اینیمیشن کوں لائیو ایکشن تے 3D دے نال ملا کے متعدد اشتہارات تے کم کیتا۔
من پسند
[لکھو | ماخذ وچ تبدیلی کرو]دی چلڈرن فلم سوسائٹی آف انڈیا دے بینر تلے متحرک فلم من پسند (دی پرفیکٹ میچ) دی ہدایت کاری کیتی۔ ایہ فلم گیارہ منٹ دی طوالت رکھدی ہئی، این٘کوں نویں ہیمبرگ چلڈرن شارٹ فلم فیسٹیول وچ ݙکھایا ڳیا ہئی تے 2008 دے نیویارک فیسٹیول دے فلم تے ویڈیو ایوارڈز وچ این٘کوں تمغا وی جتیا ہئی۔
من پسند کوں ہالی ووڈ دے بین الاقوامی اینیمیشن فلم فیسٹیول وچ نامزد کیتا ڳیا ہئی تے کئی ٻئے بین الاقوامی فلمی میلے وچ منتخب کیتا ڳیا ہئی۔ ایہ فلم حیدرآباد دے دی گولڈن ایلیفنٹ (15ویں بین الاقوامی چلڈرن فلم فیسٹیول) وچ نومبر 2007 وچ ݙکھائی ڳئی ہئی تے ایہ 2008 وچ نئی دہلی وچ ایشین ویمنز فلم فیسٹیول وچ ݙکھائی ون٘ڄݨ والی افتتاحی فلم ہئی۔
چکرویہ
[لکھو | ماخذ وچ تبدیلی کرو]چکرویہ (The Vicious Circle) ہندوستانی قانون دے بارے وچ شعور ݙیوݨ والی فلم، فلمز ڈویژن دے تحت بݨائی ڳئی ہئی تے این٘کوں پبلک کنسرن فار گورننس ٹرسٹ (PCGT) دے زیر اہتمام ہک تقریب وچ آر ٹی آئی ایکٹ دی اٹھویں سالگرہ دے موقع تے ریلیز کیتا ڳیا۔ انّھاں دی ایہ فلم ٻہوں پسند کیتی ڳئی۔[١][٢]
حوالے
[لکھو | ماخذ وچ تبدیلی کرو]- ↑ "Indian animation film on RTI In Sweden?s I.N.S.A.N.E Animation Film Fest (sic)"۔ Indian Television۔ 25 اگست 2015۔ 2016-02-05 کو اصل سے آرکائیو کیا گیا۔ اخذ شدہ بتاریخ 2018-09-29
- ↑ "IMC Journal Volume 107/Issue 3 November-December 2013" (PDF)۔ Imcnet.org۔ 2018-09-29 کو اصل سے آرکائیو کیا گیا (PDF)۔ اخذ شدہ بتاریخ 2018-09-29