دھریجہ نگر دے شاعر

اسیݙی وستی ءِچ شعر و شاعری ڈھیر تھیندی ہئی ،وستی ءِچ نانا سئیں  فارسی ءِچ شاعری کریندے ہَن ۔ مولانا امان اللہ دھریجہ صاحب اُردو، سرائیکی تے فارسی عربی وچ کجھ شعر اَکھیندے ہَن ۔ محمدشفیع ، فدا دھریجہ صاحب وی شاعرہَن ۔ وستی ءِچ جلسے تھیندے ہَن ،ہر جمعے کوں  وی مولود خانی تھیندی ہئی ۔ ہِیں  سانگے اسیݙی وستی شاعری دا ڳڑھ بݨی کھڑی ہئی تے اسیݙے کن نِکے لا توں  شاعری دے سونہیں  ہَن ،مولوی لطف علی دی سیف الملوک تے خواجہ فرید سئیں  دا دیوان فرید گھر ءِچ پہلے توں  موجود ہئی ۔ کاپیں  ءِچ کہتر ، گلشن ، مولانا محمد یار فریدی ، صابر مبارک پوری تے ٻے شاعریں  دا کلام قلمی لکھیا ہویا ملدا ہا ۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان