دھریجہ نگر دے آسودہ خاک

دھریجہ نگر دے غستان ءِچ وݙے وݙے لوک سُتے پن ۔ جام سمانہ دھریجہ ، نبی بخش دھریجہ ، سدن دھریجہ ، نور دھریجہ ، قبول دھریجہ ، حضرت مولانا محمد یار دھریجہ ، حضرت مولانا غلام محمد گانمݨ دھریجہ ، حضرت مولانا کریم بخش دھریجہ ، حضرت مولانا محمد امان اللہ دھریجہ آپ دا روضہ بݨیا ہویا ہے ۔ ہر سال عرس وی تھیندے ، ہر پاسے دی خلقت عرس تے اَمدی اے ۔ دھریجہ نگر دے غستان ءِچ سرائیکی دانشور غلام یٰسین فخری ، منیر احمد دھریجہ ، اُستاد مقبول احمد دھریجہ ، محمد شفیع دھریجہ ، فدا دھریجہ ، ایوب احمد دھریجہ تے ٻے ناں  آلے لوک دفن ہن۔ ہک واری دھریجہ نگر دے غستان ءِچ حادثہ تھیا ۔ اسیݙی وستی دا بزرگ امام بخش دھریجہ فوت تھی ڳیا ۔ رحیم بخش قصائی ، خدابخشگورڑا قبر کھٹیندے پے ہن او تلوں  آڳے ، خدا بخش فوت تھی ڳیا، آکھدن جو غستان کئی واری بھڑ تھن، ݙاݙے دی قبر دا پتہ ہوندے ،پڑݙاڈے دی قبر دے نشان دا کہیں  پتہ کینھی ، 1973ء دی چھل توں  پہلے آلیاں  قبراں  مُک ڳن، ازل توں  ایویں  تھیندا اَمدے۔پہلے آلیاں  قبراں  برابر تے ولا لیکھا نواں  سنواں ۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان