دھریجہ نگر دی ثقافت

دھریجہ نگر دی کوئی انج ثقافت کائنی، وسیب آلی ثقافت ہے اسیݙے وݙے سندھ توں  آئے پر ہر شئے بھُل بھلا ڳے، اپݨی مٹی نال مٹی تھی ڳن، شہر ریلوے لائن تے سڑک وستی دے نال ہے پر وستی دے لوک سرائیکی ثقافت نال جڑیے رہ ڳن۔ اپݨیاں  رسماں  ریتاں  نی چھوڑیاں  اپݨی زبان نی چھوڑی۔ اساں  نِکے لا توں  ݙیکھدے اَمدوں  توݨیں  جو وستی ء ِچ عربی فارسی دے عالم ہن پر تقریر سرائیکی ء ِچ کریندے ہن ، شاعری تے الا ٻول سب کجھ سرائیکی ہا، ہُݨ وی کوئی ہک اَدھ بودن ہووے تاں  ہووے نہ تاں  اولاد نال اُردو کوئی نی الیندا، وستی دی ایہا ادا اساں  کنوں  سرائیکی دا کم کرا ڳی ءِ۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان