دگگوباتی پوراندریسواری

دگگوباتی پوراندریسواری
تفصیل=
جنرل سکریٹری، بھارتیہ جنتا پارٹی
آغاز منصب 26 ستمبر 2020
صدر	جے پی نڈ
وزارت ٹکسٹائل، حکومت ہند*
مدت منصب 1 نومبر 2012 – 16 مئی 2014
وزیر مملکت برائے تجارت و صنعت
مدت منصب 28 اکتوبر 2012 – 1 نومبر 2012
وزیر مملکت برائے انسانی وسائل کی ترقی
مدت منصب 29 جنوری 2006 – 28 اکتوبر 2012
معلومات شخصیت
پیدائش	22 اپریل 1959ء (66 سال)  چنئی
رہائش	حیدرآباد
شہریت	بھارت
جماعت	انڈین نیشنل کانگریس بھارتیہ جنتا پارٹی
شریک حیات	دگوبتی وینکٹیشور راؤ
اولاد	1 بیٹا اور 1 بیٹی
والد	ین ٹی راما راو
بہن/بھائی	ننداموری بالاکرشنا ،  ننداموری ہری کرشنا
عملی زندگی
تعليم	بی اے (ادبیات) اور جیمولوجی میں گریجویٹ
پیشہ	سیاست دان

دگگوباتی پوراندریسواری (انگریزی: Daggubati Purandeswari) (ڄَمَّݨ: 22 اپریل 1959ء) ہک ہندوستانی سیاست دان ہِن جیڑھیاں دا تعلّق بھارتی ریاست آندھرا پردیش نال ہِے۔ اُنہاں نے ہندوستان دی 15ویں لوک سبھا دی رکن پارلیمان دی حیثیت نال آندھرا پردیش دے وشاکھاپٹنم حلقے دی نمائندگی کیتی۔ اِیں توں پہلے اوہ 14ویں لوک سبھا وِچ باپٹلہ حلقے دی نمائندگی کر چُکیاں ہَن، اِیں عرصے دے دوران وِچ اُنہاں نے وزارت انسانی وسائل دی ترقی وِچ وزیر مملکت دی حیثیت نال خدمتاں انجام ݙتیاں۔ اوہ 7 مارچ 2014ء کوں بھارتیہ جنتا پارٹی وِچ شامل تِھیاں۔ 2014ء وِچ، اُنہاں نے راجمپیٹ توں بی جے پی دے ٹکٹ تے لوک سبھا دا انتخاب لڑیا تے ہار ڳئیاں۔ دگگوباتی پوراندریسواری کوں بی جے پی مہیلا مورچہ دا پربھاری مقرر کِیتا ڳیا۔

ابتدائی زندگی تے تعلیم

دگگوباتی پوراندریسواری 22 اپریل 1959ء کوں مدراس ریاست دے چینائی وِچ این ٹی راما راؤ تے باساوتارکم دے گھر ڄَمّیاں ہَن۔ اُنہاں نے آپݨی تعلیم چینائی دے سیکرڈ ہارٹ میٹرک ہائیر سیکنڈری اسکول، چرچ پارک توں حاصل کیتی۔ اُنہاں نے ساؤتھ انڈین ایجوکیشنل ٹرسٹ تے خواتین کالج (جیندا ناں بشیر احمد سید سعید کالج برائے خواتین رکھیا ڳیا) توں بی اے مکمل کِیتا، اِیں دے بعد ہندوستان دے جیمولوجیکل انسٹی ٹیوٹ توں جیمولوجی وِچ ہک مختصر کورس کِیتا ہئی۔ اوہ پن٘ج زباناں، انگریزی، تیلگو، تمل، ہندی تے فرانسیسی پڑھ، لکھ، ٻول سڳدیاں ہَن۔