دُلا بھٹی

مشہور رومانی داستان ہے۔ روایت دے مطابق دُلا بھٹی دوراکبری دا زندہ دل ہیرو ہا ، ایندے ابے سئیں دا ناں فرید تے اماں سیݨ دا ناں لدھی ہا، او ایں قدر بہادر ہا جو ایندے مد مقابل آنوݨ دی کہیں کوں جرأت نہ تھیندی ہئی ۔ او اکبر اعظم دا باغی ہاتے کݙاہیں زمین دا مالیہ ادا نہ کریندا ہا لیکن ایندے نال  نال غریباں دی اعانت دا جذبہ ایندے دل اچ ٻہوں ہئی۔ایندے ایں جذبے کوں ݙیکھ تے دیہات دی ہک خوبصورت چھوہر نوراں ایں تے فدا تھی ڳئی نوراں تے دُلا آپت اچ بے حد محبت کریندے ہن ۔ انجام کار ݙونہاں دی شادی تھی ڳئی ۔ پورے وسیب اچ اڄ وی دلا بھٹی دی بہادری دے چرچے ہن۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء