دُرِّ یتیم

جھوک پبلشرز دی طرفوں اے کتاب دی ݙوجھی اشاعت ہے تے ہُݨ ایندے مندرجات وچ تبدیلی تھئی ہے ۔ کتاب دی ترتیب و پیشکش  دی ہے تے ناشر نے ایں تے تبصرہ کیتے ۔ شاعر دا پیش لفظ اُردو وچ ہے ۔ عاصی کرنالی نے شاعرانہ انداز وچ شاعر دے فن دا اعتراف کیتے ۔ پس ورق تے شاعر دی تصویر تے  دا مختصر تبصرہ موجود ہے ۔ حمد دے تحت 3نظماں ، نعت تے مولود دے عنوان نال 4نظماں ، مناقب دے عنوان تلے 13نظماں ، کافیاں دے تحت 9کافیاں ، منظومات دے عنوان تلے 33نظماں ، شخصیات دے عنوان ہیٹھ 19، 60ݙوہڑے ، 3رُباعیاں تے متفرق دے عنوان نال 9بند موجود ہن۔

ظہور احمد دھریجہ لکھدن:

غلام حیدر یتیم جتوئی دا شعری مجموعہ 1967ء وچ سرائیکی اکیڈمی ملتان دی طرفوں شائع تھیا ۔ اکیڈمی دے جنرل سیکرٹری اختر علی خان کتاب کوں سودھݨ تے چھپواوݨ اِچ ڈھیر سارا کم کیتا ، جے او نہ چھپویندے تاں ’’دُرِ یتیم‘‘ اساݙے کول نہ ہووے ہا ۔ اختر علی بلوچ اپݨی ڳالھ مہاڑ اِچ لکھّے جو اساں ڈاکٹر مہر عبدالحق دا مقالہ ’’ملتانی زبان اور اس کا اُردو سے تعلق‘‘ چھاپݨ چہندے ہاسے پر ڈاکٹر صاحب ساری ڳالھ بات دے باوجود مقالہ اُردو اکیڈمی بہاول پور کوں ݙے ݙتا ، اساکوں ݙاڈھا ارمان لڳا ، وَل اساں سئیں غلام حیدر یتیم جتوئی دا کلام چھپواوݨ دا اَہر کیتا پر جتوئی صیب کول کلام کٹھا نہ ہا کیوں جو اُنہاں باقاعدہ بیاض نہ بݨائی ہئی ، اُنہاں کوں کلام کٹھا کریندے وقت ٹائم لڳ ڳیا ،’’جوں ودیر جوں خیر‘‘ وانگوں دیر تاں تھی ڳئی پر کتاب سوہݨی چھپ ڳئی۔‘‘

حوالہ

ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان)  نگران مقالہ: ڈاکٹر محمد ممتاز خان کلیانی