دُرن فقیر
تحصیل دیرہ غازی خان دی چوٹی بالا ‘ ٹھل گانمݨ دے دُر محمد بلوچ ’’دُرن فقیر‘‘ وی ٻہوں شاندار مزاحیہ شاعری کیتی ہے۔ انھاں رناں دے موضوع تے ہک طویل نظم لکھی ہے ۔ رناں رل بہݨ تاں کئی فساد مچ ویندن۔ او ہک توں یارھاں تیں عورتاں جوڑ جوڑ کے ول ہک ہک گھٹیندے پچھوں تے ولدن۔ ایں طرح نظم وچ ہک نویکلا پن پیدا تھی ڳے۔
جتھاں رن اے ہک
اُتھاں جھیڑے دی ہے سک
جتھاں رناں ݙو
اُتھاں جھیڑے دی ہے جو
جتھاں رناں ترے
اُتھاں جھیڑا سلی لائے
جتھاں رناں چار
اُتھاں جھیڑے دی پچار
جتھاں رناں پنج
اُتھاں جھیڑا سنویں سنج
جتھاں رناں چھی
اُتھاں جھیڑے کڈھی چی
جتھاں رناں ست
اُتھاں جھیڑا ہتھو ہتھ
جتھاں رناں اَٹھ
اُتھاں جھیڑا ٻٹوڑٹ
جتھاں رناں نئوں
اُتھاں جھیڑا نئو بنوں
جتھاں رناں ݙاہ
اُتھاں جھیڑا دی اے جاہ
جتھاں رناں یارھاں
اُتھاں جھیڑے دیاں پچاراں
جݙاںتھیاںاے بارھاں
ہک کوں گُھٹاں ٻئی کوں ماراں
باقی بچیاں ݙاہ
اونکوں کھا ڳئی بلا
باقی بچیاں نئوں
او کھا موئی وتؤن
باقی بچیاں اَٹھ
اونکوں لڳ پئی سٹ
باقی بچیاں ست
اونکوں پئے ماری ہے لت
باقی بچیاں چھی
او ڄݨی پئی اے دھی
اینویں ول ہک ہک کر شاعر ناں گھٹیندے ویندا تے ایں نظم توڑ تئیں پجدی اے۔
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان