دودہ

ضلع سرگودھا دی تحصیل کوٹ مومن دا قصبہ۔ کوٹ مومن توں جنوب مشرق آلے پاسے 25کلو میٹر دے فاصلے تے واقع ہے ، جݙاں جو سرگودھا لاہور روڈ توں تقریباً 1/2کلو م یٹر دور واقع ہے۔دودہ دے شمال اچ لقمان تے جلہ مخدوم، جنوب اچ واسوآنہ ، شمال مشرق اِچ احمدیوالہ، مشرق اچ بھکھی کلاں تے مارکھ دے د یہات واقع ہن۔دودہ دی وجہ تسمیہ بارے مختلف آراء ہن۔ کجھ لوکاں دا خیال ہے جو اے ہک ہندو دے ناں تے مشہور تھیا۔ اتھاں قیام پاکستان توں پہلے ہندو کافی تعداد اچ آباد ہن جیڑھے جو 1947ء اچ نقل مکانی کر تے بھارت چلے ڳے۔ ہُݨ وی کجھ گھر ہندوئواں دے اتھاں آباد ہن۔ جݙاں جو ݙوجھی رائے اے ہے جو مارتھ قوم دا ہک شخص دودہ ناں دا ہا۔ ایں ہیکوں آباد کیتا ہا تے ایندے ناں نال اے قصبہ مشہور تھیا۔ زیادہ قیاس ایہا ہے جو اتھاں ہندو آبادی زیادہ ہووݨ دی وجہ نال اے ہندوئواں نے ہی آباد کیتا ہا۔ ہک تریجھی رائے اے وی بیان کیتی ویندی اے جو اے ݙو دیہات ہن تے انہاں کوں ’’دو دیہہ‘‘ آکھیا ویندا ہا جیڑھا جو وِگڑ تے دودہ بݨ ڳیا۔

اتھاں 1826ء اچ مہاراجہ رنجیت سنگھ ے دور اِچ مدرسہ قائم تھیا ہا ۔ہندوئواں دی مردہ ساڑݨ دی جھاہ سمادھ ہُݨ وی اتھاں موجود ہے۔ اتھاں ہک چھوہریں دا مڈل سکول، ہک پرائیوٹ تعلیمی ادارہ الحسین پرائمری سکول ، بنیادی مرکز صحت تے ڈسپنسری حیوانات موجود ہن۔ اتھاں چھ وݙیاں مسیتاں تے ݙو امام بارگاہواں تے قصبے توں ٻاہر مین روڈ تے ہک بزرگ میدو شہید دی قبر ہے ۔ کجھ سال پہلے ایںجھاہ عرس میلہ لگݨا شروع تھیا ہے۔ منظور حسین لوہار تے حاجی ماسٹر شبیر احمد ندیم دا شمار اتھاں دے مقامی شعراء اچ تھیندے، ایندی آبادی 20ہزار توں ودھ ہے۔